東京侵略

自從愛上大阪，呢幾年來已提不起勁到東京遊歷，短暫停靠過路都仲可以，若要好似以前咁十多天東京市内遊就真係有啲措手不及…不過講係咁講有得去一定唔會反抗！而今次重遊更落腳於最多遊客的新宿，說怕多人以前都係好多人，反而家吓係因為太少人…著實太少日本人，嚴如香港咁越嚟越少原住民。適逢日本人出生率持續偏低食正強國旅客走私客持續帶來嘅驚嚇，永恆嘅旅遊熱點只能聽到用普通話交談與嘶叫。什麼涉谷新宿裏原宿真係諗起鳩都縮…當然全世界被淪陷嘅地方多的是， 日本亦不只是東京是重災區，只係近年瘋狂程度已直迫MK，老銅及不說廣東話的廣東道。每間食肆都有殘體menu強國待應，食親飯都以為去咗北京，間間商店都your way union pay。奈何旅遊經濟還是要靠強人撐底。哪怕杭州高科技廁板人肉速遞，今天名創優品反攻倭寇，讓口說愛國身體卻很誠實的國民排隊幫襯都應該幾好睇。

廁子

見識得多國內茅坑，都不會大驚小怪強國人為何會公然大解小決。越是內陸越見開放的公廁早已練就強人一股泰山崩於眼前也不改容的風骨，一字排開無遮無掩但求快趣方便，擺明比你睇仲邊得嚟咁多偷窺。橫豎一道破門也阻隔不了氣味，來個君子坦蕩蕩起碼得知閣下開大定開細抑或唔知搞乜鬼都無謂要人呆立等位。剛進廁還是正如廁的都會四目交投心裡就是明明白白唔阻閣下發達。強人週街痾無視途人目光只因習慣諾諾大方，痾者自省旁人自律，邊有話得似港燦圍觀拍片瘋傳咁缺德又無品。大國未崛起就寧要核子不要褲子，家陣強國當道就不要褲子亦不怕無恥，吹得脹人有大叠銀紙多到可以抿屎。

末完末了

纏擾咗成年嘅末日話題睇怕都接近尾聲，成日比人問信唔信呢家嘢，老老實實真係唔信多過信但又好想係真有其事。人生有份見證一下都真係不枉兼無悔，不過同大多數人一樣怕就怕即時死唔去要同其他"倖存"者獻世。雖則話末日之說只謂人類會滅亡而地球依然會繼續自轉等過一批新嘅統治者，就如恐龍過渡到人類一樣；之但係人類生存能力如蟑螂般超強，總有小部份會殘存下來繁衍下去...由其吃慣化學原素有毒物質的強國人，對災後受盡污染毒害的地表有一定適應能力。 加上慣常的打砸搶燒霸奪爭的非文明行為，必定能把異己排除，勢成單一物種單一民族再度一統地球，慣做屁民不事生產唯有再度共產。城門上又聽見偉大舵手嗓門大吼霸氣宣示"新專橫人民共和國"成立！至此，末日臨近才得真見。

萬千悲淒

毛線針織廠每年也來搞個最佳員工獎鼓勵/分化一下社員，年年照例地扮得彷似競爭激烈不過所有在職人員也明白其遊戲規則，聽聽話話的例必有豬肉一份，若屬天子嫡系門生就照舊行番個年尾運。廠內員工有心無心也要扮一吓認真，難得街外人無厘頭也為之肉緊。明明圍內圍威喂，明明賽果唔到你控制，但係人人都好似睇緊This AV咁最後唔出到嘢都唔肯離開坐位。一間大機構公然打飛機比大家睇都成為全城話題，是生活太無聊定生存太無謂；若果將閣下對人哋家事嘅一成精神力放諸真正要關心的人事物上，社會未必會好很多，但起碼不至淪落太過。

達人貧道

响攝影論壇上面啲大師為咗吸引坊眾欣賞其伯母原來係雌性論述，對揸住部機影張相嘅消閒活動煞有介事咁作咗好多新名辭；什麼攝影禪，攝影之瞳，感覺系，自我先決...似是而非故弄玄虛一番。爭啲㩒吓失打都要查三世搵埋蔡伯勵...原來整色整水長篇大論之後都係離唔開嗰幾樣："觀察"，"隨心"同"多練習"。個個自我介紹都扮謙虛，但係吹起水上嚟就唔會抹咀；其作品大多係一句慨括之謂"曝光正確"而已。無深度無難度之餘都能贏得各路粉絲回應，大家都唔會吝嗇讚美之詞，令作者自我感覺良好飄飄然，下次又作多一堆古怪前衛新類型諗法惑眾......先可以將光圈快門呢啲咁簡單嘅事响網絡世界長久奔馳。

強人如難

家陣長週末假期多數都選擇留响屋企或者只係出去轉個圈，以前都會去下郊外離島呼吸吓新鮮空氣。但係自從強國人佔領咗市區後，將港人迫向市郊邊緣，家吓仲順勢入侵埋郊野，將本土人迫到抖啖氣都無。十三億人無限簽發日日輪流踩落嚟，唔使殖民都玩得死港人。法國人堅拒淪陷勢死抵抗一顯風骨，香港人無奈眼睜睜看著昔日樂土被摧毀。有假日去過國內景點嘅都知道一窩瘋蝗蟲嘅可怖！而家公然向世界各國輸出屁民猶如另類侵略，戰功比往昔元朝大帝更摧枯拉朽，震懾程度更猶有過之！所到之處草不寸生委靡不堪，原居民個個退隱，一街都係強國人，版圖得以順勢另類擴張。其實釣魚尖閣諸島大可拱手相贈予倭寇，之後再對該島實施全民免簽旅遊，包保列島只剩一堆石頭，到時嚇到人哋走夾唔抖就可以輕鬆回收。

謝停風

失驚無神嚟個超勁颱風，令外出開會嘅我唔使返公司直接可以仆返屋企。之但係咁又並唔會話交通暢順過人，因為比閣下更早收工的人依然多的是。而且一早出外只是更早面對風雨，因為親身估計下午兩三點嘅風力其實已達八號級數，之但係個市一日未收天文台係唔會咁輕率將更高風球高懸，情願吹死一兩件蟻民都唔好令商賈們食少隻鮑魚。到風力大得足可將人吹飛時才無奈宣布放行。一窩瘋的勞動人口為著少眾福址唯有默默忍受一下各大小公交的長長人龍，招牌路牌大樹垃圾筒令路上行人欲斷魂。回家前又要為晚飯張羅，搶購各類食材最好當然係百佳！歸心似箭失去平日精明眼的市民沒閑對清楚蠱惑機單收據，又或選購買兩件貴過買一件的特價貨，過期食品假鱈魚不在話下。一個風球將超市霸權假貨死貨過期貨一掃而空！急得如熱窩上的螞蟻為了一餐安樂茶飯也比平日大方，只求齊齊整整一家人平平安安...而已。

鼓掌難明

出席好似演唱會遊行呢啲公開場合，最驚個主持人或演出者於辭窮下無啦啦彈一句"比啲掌聲你哋自己先"...!即係咁，我嚟得嘅覺得你哋搞得有聲有色，掌聲我一定唔會吝嗇；你係九流流我柴台都嚟唔切！掌聲一係你比我，一係我比你。你咁感動覺得台下嘅我哋做得好你咪自己拍番掌比我哋囉，再唔係回番多少水腳又得！做乜無端端要我哋"比啲掌聲自己"？咁同動物園隻猩猩海洋公園隻海獅有咩分別？與情人節無仔溝無花收嘅OL要訂花比自己又有何差異？咁即係話："嘩~你咁撚低死，不如送個花圈比自己"！定係好似辛勤工作完一輪，又要搵個借口血拼，咁就不如："買番啲嘢獎勵吓自己！"...我真係唔知點解獎勵唔係上司唔係老闆比錢卻要自己科水？查實係無人認同你嘅工作又唔甘心得個桔要自我安慰一番？假點樣自己丟本人好明白，至於掌聲點樣可以比到自己真係完全係知識範圍以外啦...

別問我是誰

即將上映嘅復仇者聯盟The Avengers，當然係本年度熱切期待的大片之一。不過自從戲內"要角"Hawkeye鷹眼俠造形曝光後(早於雷神奇俠裡)，我的嚕囌自此發過不停...Hawkeye是一個自細較喜歡的美國英雄，當然我並唔係睇開美國漫畫嘅人，只不過以前落街打機唔理三七廿一都會揀佢用，都係貪佢攻守兼備長短皆宜。漸漸用出個感情來...可惜令人期待嘅處女登場(已經無得擔正)嘅造形又係步向要有型而放棄原作特色的荷里活死症！一身黑色戰衣於實際環境下確然係好合理，亦比起其他著住馬騮衣嘅伙伴們落街買包煙方便。但係大家都明白呢啲係娛樂吓大家嘅娛樂大片，其實都唔介意响裝扮上花少少心思，起碼唔係家陣一個箭術運動員咁款。呢個通病其實响之前嘅社團式集體英雄總動員大片都犯上，好似我細路嗰時日日追嘅G.I.JOE咁，以前鐘意睇就係因為每個角式都有唔同嘅裝份同性格，就算有一百幾十個隊員都位位鮮明，無話混淆不清，出玩具都想買多幾個...不過真人版一出除咗個別有啲唔同色水外，不論忠奸又係搞到個個黑媽媽，開拖起嚟完全唔知邊個打邊個！之前嘅電影版X-MEN都係中晒呢樣嘢，如果兩班大俠有幸打起上嚟就真係好似香港警察大戰保安員咁嘅樣，分別係我哋啲制服比較醜樣。

不寒而慄

你好 我是孙富毅，现在有个问题，朝鲜通知12月17日开始不接待所有外国旅行团，说是为了迎接新年和年终总结，朝鲜不过春节，元旦是最大的民间节日。一日游确定在2012年1月15日重开，四日游预计在一月中旬之后重开，新年之后会有准确通知。

原本諗住聖誕假到東北三省過一個極度嚴寒的白色聖誕，順道在審陽的丹東市跨過鴨綠江，感受一下金氏皇朝的強盛繁榮，學習勞動黨的主體思想如何令人民心靈富足生活富裕。但到上星期齊集好相關證件諗住遞交時，旅遊部門卻婉轉地將我們拒諸門外...事不過幾天皇上便騎核彈西去，看見李春姬與一眾人民聲淚俱下屈膝嚎哭呼天嗆地，咁辛苦捱完件正日又要再捱多件正恩，七情上面唔使比人搵槍指痛苦可想而知。短期內都係唔好滾搞人哋，等佢哋專心搞好啲手尾。以前要民眾對日成銅像強制一躹躬，家陣多個正日再躹躬，如果正恩不幸少年亡真係再三躹躬...到時如果有幸一遊貴國，私人加多個謝蒼生天有眼的。

約定難成

又到咗無端端被人約定嘅6-11區選日，以前合埋眼唔使諗就會投咗比白鴿黨，但係自從白鴿投共後已是一隻北行鳥；之後見社民連咁有型就梗係要撐吓佢哋，但係內部爭鬥又成了扶不起的痾豆；禮儀廉啲蛇宴荔枝團派雞送米全部都無我份呢一票就可以慳番！只維護商界自由嘅豉油黨因為敝區窮人多所以好少响本區搞事，叫佢選都費事。至於新加入戰圍嘅人民力量抗爭味濃草根十足又幾合本人河車...之但係泛民越拆越細越選越散最後都係益晒禮儀廉班老鼠。以前落票站滿腔熱血一往直前如今就舉棋不定扭扭擰擰...白票一張係咪就最合乎理想？真係唔忍心見到選舉就係咁樣！

埃~埃~埃不完

女的總是埋怨伴侶嫌她年華老去，但卻不明白男的多數只能注意到女伴天靈蓋上新長出來的銀髪，已很少有機會看見閣下面上的青春荳了......吃飯時可以放下埃瘋傾兩句嗎??

報孽

以往就算晨早上班，但要獲取免費報章也不是易事；雖然頭條日報有送到屋苑派發，但卻變成了大廈管理員與相熟住客的枱底交易。就算到達地鐵站口，送報專車也未能及早將報刊分發到派報員手上，只得見一班公公婆婆圍堵著徬徨無助又愛莫能助無報可發的兼職阿姐...結果有心閱報的每朝只能取得受地鐵保護之都市日報乙份。但自從晴報出現後，頭條便不敢怠慢，兩份報紙誓要鬥早送到讀者手上，當然甚受外傭歡迎的洋文報章仍能依舊故我獨守邊圍，但與此同時am730亦開始加強了派發點，公司樓下一早已是頭條與西報的跟據地，公公婆婆早已慣了一字排開朝朝朝聖。直至早前免費報章大戰爆發後，更多報章於此地插旗，朝聖人龍比輪米更虛冚，盤踞著大廈前的空地歷久不散，個個手執四五份見牙唔見眼！排隊有排隊攞，插隊有插隊摸，攞完的又排過又攞，比人鬧完又去第二條龍攞，見得多的更是拉車仔輪候，收集夠即刻脫手務求於一個朝早可賺回一頓早茶，比守財曾的六千蚊更能舒解民困！人人懶理份報紙內容咸濕定係立場縮骨，但求加快循環再造先可以積番啲陰德。

油錢入心

過料破逾億毒品的線人獲償四千萬；報道地溝油的洛陽記者慘被"劫殺"。毒品害人不淺但我無份無錢無膽食；地溝油無孔不入有錢無錢大家一定有得食。搗破奸商損害官僚收益更令大多數國民無廉價油享用，若還歌功頌德一呼百應有毒食品經濟一定大受打擊，強國GDP上不了去如何買歐債拯救世界...唯有又要消滅於萌芽狀態，被"劫殺"和諧掉一早就是意料。

紙老虎咬死人

國內的城管...其權力就是處理著公安唔得閒理會的鎖碎事，但此等鎖碎事可能就是能左右老百姓生活的貼身事，亦猶如一班被高壓管治慣的人有朝一日高壓番人。什麼狐假虎威水鬼升城隍雞毛令箭也不足以形容此等土霸。頗為貼切的比喻應該是管理一眾奴隸的奴隸長；但不要忘記奴隸長也是奴隸出身，只不過表現較優秀又或者懂得奉承獻媚舔鞋底賣屎忽方得一官半職千人之下萬人之上，卻混然忘記了自己也是被欺壓的一群而去加倍欺壓更多人。償得甜頭興奮過頭人性早已拋諸腦後，長期抑壓一朝爆發，手段往往歹毒得比賜予他們此等丁點權利的上級官僚猶有過之...每每回國內也見著三五成群的所謂城管，人手一碌長木棍四圍混，街道管理只是一門錢銀交易，閒時只得作威作福貪威識食。低下階層的生活就是被管理，只待有朝成為他們一份子才能爭番啖氣。

Nonsense of direction

伴隨著瑞典歌手Lisa Ekdahl的Give me that slow knowing smile, 又係Canon相機帶大家遊世界嘅時候。熱播了一陣子的陸伯啲又見正妹一條，今趟另附一架錢柒一張地圖...當然少不了一部萬能相機。這樣的配置孤身走南美(我估係啩)，有意無意還要秀一下頗"萌"的身材，僥倖避過洗衣店被人就地正法，亦應該早已是變態殺手的獵物首選。夜晚油站借個廁所，不知為何總被反鎖，就算門外有巡警經過，都睇怕係同路一伙；又或者有地圖都難免要問路，遇上樣衰大塊頭貨車司機，縱有所警惕但卻又苦無招架之力，叫天不應的地下密室又多了一隻掛爐鴨；亦可能遇上拉丁美男萬種風情同上路，以為執到最後還是被人在廉價汽車Motel床上大卸八塊，梳妝枱還總是遺下一排排的白色粉末；若掛住坐响車頂影日落晚了找不到旅館，在路上被好心人家收留，男女戶主面帶慈祥熱湯相贈，還要注意放在廳中的相架，有沒有與你差不多年歲的女生，多半就是屋主剛不幸死去的女兒，悲傷的心寧稍稍平復之際閣下就出現於眼前，他們還未捨得收拾的愛女房間就正好等著閣下來入住，當然牆角少不免是加裝了粗鐵鏈一條。以為好彩遇上同路背包客女生，結局還是少不免一起被騙去賣淫；若要往最壞處發展就是不幸下著大雨壞了車又摸上了外科手術教授的家門，令教授順利湊夠人數進行見不得光的新型物種實驗了...
當然現實亦隨時會比想像來得匪夷所思；近來為省成本保留競爭力，各大相機品牌推出的kit鏡套裝已不再附送鏡頭遮光罩，令一眾入門高手都忽視了遮光罩對照片質素的重要性與影響力，遊走在街上的龍友們都不會再為區區一個罩傷神。為著所見所得的買賣精神下，廣告片內女角由朝打龍打到黑都係無罩掛身，哪怕任何光源正逆散射都無往而不利，因為只要有一份地圖一個目的地...真係無咩可以難到人哋。

看朝

究竟係：唔比錢？打劫！定係：打劫！比錢！
武裝挑釁主權爭議擦槍走火以至睇閣下唔順眼搵機會開拖時有所聞，之但係爛仔國話你救助物資比得少比得慢係其中一個向鄰居打炮顏射原因就真係離奇過星爺啲戲...雖然佢哋班友唔講道理就如汔車維修員隨身帶備士巴拿咁合情合理，亦即係比條燈柱啲狗都真係好難忍到唔射番篤尿；之不過如果我行行吓街比人揼嘅話，我真係情願你話我靚仔得滯都唔好話我因為啱啱扶咗嗰阿婆過馬路呀......吓嘛！

刪罪請安

買毒奶粉險死了一次，為受害者出頭又要死一次...個個話大陸啲人無厘德行自私過人，正正就係响國內萬萬不能當個正常人！你要維權佢要維穏，你要爭論佢要和諧，你想大鳴大放佢就毒箭暗藏。地滅天誅的從不是殺人放火，屍骸不保還有誰去修橋築路。老虎天生就曉用口咬人，蛇要自保難免要將毒噴，生於非常時地自要有一技傍身，正如一出世阿媽係教你衝入車廂爭位執輸行頭慘過敗家嘅意識形態下，長大後就從來無諗過禮讓他人更遑論會見義勇為。鬥理性不如鬥拳頭，鬥拳頭不如鬥富有，就如今日教區都要向魔鬼致歉底頭，免得捐款無啦啦响手指罅漏走...香港文明如斯都如此反智，難怪國人都愛禮義廉淨係無恥。

十月圍塘

鮎魚果然超強，令打工仔超強期待亦超強失望，除令李氏力場更聲名大噪（或是聲名狼藉）外，似乎比一般颱風仔更無睇頭...天文台依然都係淨識靠嚇，一時不能小覷一時又話會番轉頭，原來最後都係路過就走，唔通阿鮎魚san真係驚咗我哋獨有嘅屏風樓，會比佢圍困一團有入無走，迫住要買番間長期居留？？

中日鬧不和

倭寇想玩火，點知玩大咗...
鬥正面，國力經濟軍備太空競技樣樣都唔夠支那嚟！
鬥負面，自由民主食物安全踐踏人權依然唔夠支那威......
放人啦日本仔！