常駐代表

住家附近的貓如走馬看花，不過出場率最隱定要算牠們...
修車店黑面神

沖晒店肥師奶

涼茶舖貓大哥

豁出去

出嚟做事，無論屁眼比人隊，定係遭人抽後腿...都要心如止水，昂然踏著前路去...

貓拍點滴

每逢行經街舖遇見貓，都會膽粗粗進店厚著面皮硬著頭皮舉機影貓兼逗牠玩玩。遇著愛貓店主更會主動吩咐貓員工擺好pose任影，當然要於不碍做生意之大前題底下才能如此大模斯樣...若遇上黑口黑面店主便要快手快腳兼要賠個笑影幾張趕快離開，最怕自身所作所為不幸遷怒於無辜貓兒身上，要連累貓貓被迫收監就真係講句唔好意思！如果個個老闆都好似深水埗這間石油氣火水舖一樣就皆大歡喜；為其愛貓拍照無任歡迎，還張貼電郵地址於當眼處著閣下send番張玉照比佢...係囉，養貓係一件開心事，養嗰個開心，影嘅又開心，連隻貓自己都開心，咁世界咪少啲紛爭！

貓狗𢭃一番

貓仔圓圓與唐狗阿旺是每朝乘車經過的報紙檔之忠實員工。圓圓每朝幫老闆娘壓陣，是一個正宗的貓形紙陣，壓在報紙上睡覺就唔怕紙隨風飛；而阿旺便是聯繫左鄰右里的親善大使，呆頭呆腦的牠雖然個頭頗大但卻非常善良，深得附近商戶歡心。一貓一狗就能譜出一街和諧氣氛，人人行過也會停下寒喧一陣，商場豪宅領匯邊會有此可能。

閃零

影相最憎用閃燈，有時情願唔影都免得左閃右閃。我認我無啲龍友大師毒男咁好功力可以飛到啲燈出神入化，既然懶得研究就無謂強出頭。
不過隨身愛用的Fujiflim爪拍機仔就永遠只會set死開機即閃，一個唔記得就比佢跣一嘢，輕則嚇親人，重則嚇親貓...由Tiara, Silvi, Natura到Klasse都承傳著這個斃病(對我嚟講係)，要到Klasse S/W先叫有改善...其實只要好似GR咁有個手動制就好易話為，不過Fujifilm係要懶係全自動巴巴閉智能操作就要犧牲一點人性設定，雖然到後期識得浪子回頭，但係就遇上數碼洪流，搭載Super EBC的菲林銘機希望唔會就咁走到盡頭。

meow....咁閃法點瞓呀大哥！！

不過到咗數碼新機F300EXR又嚟一招開機彈閃燈...真係失驚無神嚇親人

冚嘉剷地齊劈樹

菜園村被政府茅招陰乾；南生圍快將淪陷；鳳園地盤越逼越近；馬屎埔村屋塌得就塌...美國QE2剛剛實行，趁泡沫經濟還未爆破，發水樓仲係合法不過，快快剷平新界港九，起多幾十百幢矜罕靚樓！

安居？

鎮守屋苑附近多年的貓大哥，深得坊眾們歡迎，愛親近人的他逗得大人細路不亦樂乎，街坊們有的叫他黑仔，又或者是小黑，我們愛叫他小黑黑；但自從屋苑番新過兼轉以鐵腕管理業戶寵物後，小黑黑便隨即消失於街坊的視線中...已有好幾個月不知所蹤，樂觀點的想法是他到了另一個地盤生活好食好住不再留戀這個冷血城池，其它假設的景況不用亦不願再去猜測。正經事如冷氣機滴水困擾屋苑多年總是搞個沒完沒了一鑊泡，只懂向弱小趕盡殺絕立即見效快過打針，下個月還要調整管理費百物騰貴，花錢養埋呢班食塞米真係把鬼！

不屈服！516！！

到過茶果嶺的人，都對那兒的貓咪讚不絕口，牠們不會走避之餘更喜愛親近陌生人，令拍攝額外得心應手！但慨嘆的是小動物對人類失去警戒心時，便是變態狂徒犯案的最佳時機...所以茶果嶺村口的報告板上恆常貼有有關動物虐待的單張。
欺善怕惡，對手無寸鐵的生命施以毒手；無恥變態，對豪無反抗能力的弱小加以欺壓；高拜低踩，對偷生苟且的順民予以剝削；看風駛舵，對無權在手的人民不屑一顧；把握機會，向權貴還以顏色，改變勢弱不做弱勢，516齊齊公投反底！

同貓不同貌

今次四川行被熊貓們搶盡不少風采，雖然街貓數量不多但總叫出現過，就最後出場一下補完這個遊記吧。




最後呢隻係鴛鴦眼

沙巴貓

遊記未到貓貓先行！

婆貓車

這隻坐在手推車的貓咪，是一位婆婆進入店舖內泊在收銀旁的。路過的我已發覺車內有異樣，所以跟蹤入內快手拍下。貓咪對我的鏡頭也算好奇，眼瞪瞪的望個不停...但為免驚動婆婆以為我想擄貓勒索，所以得手後便迅速逃離現場，繼續搜索貓蹤去。

日系貓毛

三日兩夜東京之行看似蹌促，卻又可以舒舒服服。晨早到達築地食完個早餐後就各自修行，無無聊就決定去高Yen寺行個圈。不過都係一條大街加幾間懶有型舖頭咁，一陣間就行完，距離第二個目的地還有大把時間，不如走去民居逛逛...無意中就發現一群正在懶洋洋晒著太陽的貓咪，即時破壞了我的悠閒散步計劃，又係踎底起身擒高擒底嘅時候啦...

哀我打工仔4

今晚平安夜，仲未收得工老細係咪撞咗邪！



咦！呢位客人鬼鬼祟係咪偷咗啲咩呢？



快啲攞個袋嚟check吓咪以為我好惹！



哎呀！拉親條腰今晚點同啲女搞嘢...

安哥貓

哼！竟然有靚女話你得意，比你出多次場又點話！

入定老僧

有時間煩惱自尋，沒時間早早就寢...辛苦晒啦各大忙人！

順民

沒有抗爭，那有改變；
有當奴曾，燈膽慳電。

跟蹤

哀我打工仔3

睇舖睇到三點幾，又係時候嘆下午茶啦喂！


𥄫下神枱位，就算無拜神雞都希望有啲麵包碎跌咗落嚟...


原來拜神真係會唔見雞，淨係有篤貓屎剩低...



仲要整到一面都係認真撞鬼！