別問我是誰

即將上映嘅復仇者聯盟The Avengers，當然係本年度熱切期待的大片之一。不過自從戲內"要角"Hawkeye鷹眼俠造形曝光後(早於雷神奇俠裡)，我的嚕囌自此發過不停...Hawkeye是一個自細較喜歡的美國英雄，當然我並唔係睇開美國漫畫嘅人，只不過以前落街打機唔理三七廿一都會揀佢用，都係貪佢攻守兼備長短皆宜。漸漸用出個感情來...可惜令人期待嘅處女登場(已經無得擔正)嘅造形又係步向要有型而放棄原作特色的荷里活死症！一身黑色戰衣於實際環境下確然係好合理，亦比起其他著住馬騮衣嘅伙伴們落街買包煙方便。但係大家都明白呢啲係娛樂吓大家嘅娛樂大片，其實都唔介意响裝扮上花少少心思，起碼唔係家陣一個箭術運動員咁款。呢個通病其實响之前嘅社團式集體英雄總動員大片都犯上，好似我細路嗰時日日追嘅G.I.JOE咁，以前鐘意睇就係因為每個角式都有唔同嘅裝份同性格，就算有一百幾十個隊員都位位鮮明，無話混淆不清，出玩具都想買多幾個...不過真人版一出除咗個別有啲唔同色水外，不論忠奸又係搞到個個黑媽媽，開拖起嚟完全唔知邊個打邊個！之前嘅電影版X-MEN都係中晒呢樣嘢，如果兩班大俠有幸打起上嚟就真係好似香港警察大戰保安員咁嘅樣，分別係我哋啲制服比較醜樣。

七星仔

陪住我哋呢一代老鬼長大嘅七星俠終於老來得子，就算日後保衛地球不慎戰死沙場都有仔送終時兼有盞香燈繼後！不過佢個仔嘅賣相好明顯係同七星俠出生入死好拍檔膠囊怪獸"米古拉斯"一個餅印......不過人哋又唔係咩天王歌星影帝，啲八卦嘢你咪理啦...




同場加影對頭邪惡超人，阿仔，加油呀！咪白頭人送黑頭人呀！
http://wwws.warnerbros.co.jp/ultra-legend/index.html

人人英雄

http://jibundamashii.com/

金至尊 X Bandai隆重推出激光顏射頭像拉打計劃！
如果有朝一日出嘰嘰，一定要約埋班老死訂番套...

溫總無詐形

怪獸們最鐘意侵佔有油水嘅地方，就如銀行金舖專招惹賊人，富婆招惹神棍一樣；日本被形形式式嘅妖魔鬼怪打搞咗幾十年，令到經濟一厥不振，失業率持續高企，個個無啖好食，連怪獸們都無乜心機，打起交嚟都無咁落力。好彩終於有個大國崛起，有得轉移陣地！
金甲戰士：好明顯係M78星雲裡面條唐人街嘅戰將！超人ACE嘅好兄弟，超人A...貸


鎧甲勇士：五條MK棒棒堂變身，設定算係唔失禮因為有日本東映幫手嘛，同福娃一樣以動物為原設，淨係打怪獸有啲浪費，不如打埋貪官啦橫掂都係咯



五龍奇劍士：中日合作，用神話做設定，女角徐正希...呵~呵~同㗎妹比無輸蝕啊！




變身戰士阿龍：同日本一間蚊型公司合作，個樣真係...似咩？唔係古迦，而係大人細路都鐘意嘅孫悟空囉，號稱第一部國產特撮，梗係要正經啲啦！


深水埗有佢哋啲玩具賣好耐啦！
上youtube有得睇，自己搜尋一吓

殺個日月無光

http://www.youtube.com/watch?v=qIoG6gweVB4&feature=related#

近排youtube成日死片，如果睇吾到可以試埋下面條link:
http://www.youtube.com/watch?v=Lyw2ZnbJsJQ&feature=related

上星期看了Ironman, 作為Marvel 自家成立Studio的第一砲果然沒有令人失望！眼見賣版權益人搵到盤滿砵滿，無左Spiderman, Fantastic 4, X-men同DareDevil等親生仔後，終於痛定思痛自己一手包辦，Fans們終極心願Avengers (Marvel的復仇者即係DC嘅Justice League眾義堂) 亦不遠矣！片尾的15秒預告，Avengers召集人Nick Fury已經叫定Tony Stark報名，看來即將上映的新變形俠醫同計劃開拍的雷神Thor及美國隊長最有機會組成第一代Avengers, 正邪大混戰，最快應該會係五年內出現！而家睇住CG頂下癮先！

Nick Fury

沙哇D卡! 泰厲害

論日本戰隊與超人的受歡迎程度，東南亞來說，泰國是超狂熱的，香港絕不能同日而語。現在他們更擁有自己的戰隊Sport Ranger! 分別以拳擊、游泳、網球、足球及體操？？來代表五位戰士。製作認真，女主角？算係咁啦！

正義！由我們來守護！

玩具展除了賣玩具睇展覽外，今年有幸一嚐扮演幪面超人的滋味！因人手不足，我與Brother便聯手客串幪面超人555及古迦！(銀色的555正是本人) 由於戲服是真正日本東映的表演道具，所以穿起來亦非常合身舒適，活動也十分靈活，但熱同焗是難免的了。但見在場的小朋友爭相與我們合照，能夠帶給他們歡樂之餘又可實現自己的夢想，(兒時的夢想就是可以化身成幪面超人儆惡懲奸）就算焗到虛脫兼休刻也是值得的！