賀禮

家裡多了部彩電，期望它瘦身後由顯像管變成LCD...

我們這一家

同事於日本公幹時所拍下的七人車廣告：又要講空間夠大，要坐七個人，仲最好係一家人添.....用佢哋咪中晒囉！

又咸又甜

沖繩是一個度假的好地方，擁有優質陽光與海灘之餘又具備港客最愛的日式美食及購物樂趣；此乃朋友仔剛於沖繩回來的手信：人面糖與沐浴鹽。朋友仔去得不是時候，因天氣關係只游了一日水，雖然有點可惜，不過見她們的豐厚戰利品，足以撫平一切不如意...

夠僵入手

十年前與友人喺戲院睇過一齷火拼吸血鬼的西片，戲𥚃的情節多年來都無時無刻間歇浮現喺腦門，但苦於忘了戲名兼且戲𥚃的演員並不為港人熟識，在網上及店舖尋尋覓覓都係白果一粒...卻機緣下於上年歐遊最後一站英國最後一日响HMV等人的最後一刻，埋首一列列恐怖片特賣架上尋寶時，竟然就比我搜刮到呢隻苦覓多年的"VAMPIRES"！！就好似吸血鬼遇上肥美的大動脈一樣興奮莫名，一睇個封面D記憶即時湧番晒出嚟！後來於國內網站查探下得知其中文譯名為："夠僵行動"或"V字特攻隊"...香港譯名都係前者為準啦...睇怕!
呢齷戲一開場就好有西部公路片feel, 一班用上各種custom武器的教廷僱傭兵，走去墨西哥圍剿匿藏喺荒廢大宅入面嘅大批吸血鬼！可惜晚上慶功時不防鬼王尋仇報復，最終梗係不敵幾近全軍盡墨...之後就實係主角與僅餘嘅成員同鬼王來個沒完沒了，兼且順便阻止阿鬼王得到可以令佢喺日間太陽底下行動自如嘅黑十字架咁囉...不過主角好唔好彩身邊兩位同伴又不幸分別被咬，隨時變埋吸血鬼，再加一個隱藏著教廷秘密嘅新紮神父參戰，真係搞到阿主角頭都痕埋...
呢齦有別一般吸血鬼片嘅VAMPIRES...咦！咪住，導演原來係John Carpenter...月光光心慌慌，唔怪得之啦！

有嘢扑

有新嘢梗要第一時間品嚐！
RoxRobotRabbit :
http://roxanama.blogspot.com/

......扑啦喂！！

擺堆

Carrie Chau 於聖誕期間喺似是而非嘅公共空間：時代廣場，搞咗好大堆頭嘅展覽，但係都無阻自由行嘅購物熱情，行得攰，咪坐係D雕塑度攤下囉，大聲D講下電話，戙埋隻腳上去搣番個橙，吹水煲煙吐下痰咁都唔拘啦，嗰度大家都有份㗎嘛！

創新戰隊

連科大校長朱經武都癲埋一份嘅港台節目--創新戰隊：以介紹各種港產高科技及打倒退步獸為己任！制作都尚算認真，戰隊姿態動作流暢做足功課，巧妙地將沉悶題目娛樂化，是近期最睇得過嘅港台節目之一。

TVB Wed 7:00pm

狂燥麻甩show

以獨門畫功加獨特思維而獨步畫壇的奇葩楊學德，於灣仔秀華坊舉辦了一個昭示其一生胡作非為的狂草"草稿"展，佢嘅草稿同完成品其實都只係展示媒界的分別，看似隨意隨心卻又不失其一貫市井麻甩抵死核突卻又言之又物，實乃香江藝術界的一塊瑰寶，明知自己風格騎呢擺明玩嘢都堅持如一誓不妥協，終守得雲開換來出頭天。

相逢恨晚

京奧最後一日最強戲碼夢8對西班牙遇上京奧最強評述員除嘉樂搭上京奧最爆主持袁彩雲，半場休息......

除：呀...你點睇呢？
袁：好好呀，打得好好呀，因為兩隊都打得好好呀...
除：.......................

無懼叻哥克勤力申婉儀思崎同成班過氣港姐；
只怕德昭曉峰麗珊紀筠中間呢條袁彩雲大茄！

下屆你吾做我會好失望。

GO to......D.M.C

http://hk.youtube.com/watch?v=hJcBOkMcXG0&feature=related
究竟點樣演繹一秒十句Fuck??


http://hk.youtube.com/watch?v=5wmpoL329RE&feature=related
睇真D魔王真面目！

廣告...咪就係廣而告之！

點樣一分鐘內塞爆公司大招牌；
點樣爭分奪秒令你印象難忘！
點樣近乎零製作成本卻蕩氣迴腸！
點樣同時加上賀年形像又不窒礙畫面！
點樣令畫面平靜得來又生動活潑！
點樣令一條片用足一甲子！
點樣令你發夢都扎醒流一身淡汗！
史上最爛廣告今天為你型造！
恆源祥；睇一次就記得！
就是永恆又源遠流長......

民明書房搞電影

http://www.otokojuku-the-movie.com/
史上最熱血漫畫：魁!!男塾 終於都有真人版！雖然個個奀挑鬼命，不過都係志在緬懷一下大家的輕狂歲月。
一句講晒：我係男塾塾長！江田島平八！！！！！！！！

甜甜圈套

http://pony-hp4.web.infoseek.co.jp/PONDE.htm
在日本當飯食的Mister Donut, 除了新鮮好味的Donut外，為的就是他們定期更新的兒童餐獅子玩具，只要加好少錢就可以換取在本地奇貨可居的得意精品，真係食吾晒都要打包走！點解台灣開左幾十間，就連上海都吾執輸嘅時候，我地仲要食埋D甜到嘔嘅大美國Donut㗎！

官網：
http://www.misterdonut.jp/index.html

終極

http://www.eonet.ne.jp/~robot/SF_photos.html
早前於涉谷舉辦完的芝原秀夫機械人展已有相片發放！全手造的機械人動輒要過萬元港幣現場販賣，更大部份得到認購，比我去到都係得個恨字...芝原氏以他的童真加上無限魄力，以最原始的手作模式製成一個個獨一無二的鐵皮機械人，能擁有一個珍藏，家中的其他玩具已不值一晒！

拉打V3

http://www.maskedridernext.jp/
望穿秋水，V3 THE NEXT 來了！希望至愛的Riderman亦有機會Reborn...不過新V3對眼細得來之餘頭盔同戰衣又吾襯色，攪乜呀？

覆啅

“你的仇恨由我們來報。社會性抺殺，尋人，實質性殺害（價格可議）"
栗原正尚的 "怨恨屋本舖" 是一本題材較為另類的漫畫，女主角怨恨屋專門接受委託，向法律制裁不了（或想私了）的人作出復仇，收取高昂的費用，乾手淨腳為閣下排難解憂，順番條氣...
"怨恨屋本舖" 漫畫雖然作畫拙劣，故事犯駁又常常自圓其說，但因題材新穎大贍，及能令讀者發洩內在對社會的不滿，所以亦大有捧場客；現在更拍成真人版電視劇於深夜時段播放。女主角更由"特搜戰隊" 粉紅戰士：木下亞由美擔綱！以下網誌有得先賭為快：
http://www.wretch.cc/blog/Shiulin&article_id=12599115

頂住先

最近在網上用HK$260bid了部6/70年代的Konica AutoS2，但我的真正心頭好是這部純黑色的Auto S3, 同是HEXANON, 但用上了38mm f1.8 比S2的45mm好用，從網上資料對比質素亦較強！在ebay成色好的也要2,000多元....唯有用十分一價錢玩住S2 先啦.

相片來源：
http://www.in-photoart.com/modules/newbb/viewtopic.php?topic_id=1235&forum=1&post_id=83390

小公仔大英雄

小廠家inspire近期開發的巨大特撮英雄膠公仔系列令我非常心動。彫刻精細但價錢昂貴，高17cm，賣3850日圓已是同類偏貴。來港價錢可以在二百尾到四百頭，因產量不及大厰及只有水貨，所以價錢都視老闆心情而定。正因如此，便不能每隻也給敗下來...早前買了電光科學人(左)，下一個便等著電子分光人(右)的大貨了！而計劃推出的還有鐵金剛，銀面飛俠及Iron King, 全是我的最愛，令人十分期待！

伸直器官伸番直！

屋企張爛鬼宜家櫈真係爛鬼左之後，每晚躱在書房裡上網作樂就是坐著一張膠摺櫈。久而久之，背部因失去倚靠而日漸酸痛，坐得太耐整個人也像散開一樣，必需離開崗位稍事休息。其實早幾個月前已在francfranc 睇中張 ALVY SOHO CHAIR， 但礙於事態未算太嚴重而沒有行動！ 但近日背痛難擋，卒之的起心肝在過年前訂購下來，放完假後一直安置在公司。終於剩昨日OT坐的士回家時順道運返屋企，今天回來後將它裝嵌完成！從此腰樑終可板直！

Puffy! Make up! Puffy!

Puffy 新近為kanebo Lavshuca化妝品系列所拍攝之造形......\@o@/