Day7: 坐困酒城

7-10-08 匈牙利 艾格爾--布達佩斯
早餐退房後便到隔離的古城堡參觀一下，有看頭的地方並不多，繞個圈俯瞰一下城區便走到滿街都係嘅酒吧飲酒吹水，由於今晚會有多一位隊友加入，所以亦不急於回布達佩斯遊覽，免得同一地方要玩兩次，大伙們情願在Eger悠閒一點，到黃昏才乘車回去...不過好聽的便是悠閒，說穿了其實幾悶，因為Eger只是鎮仔中的鎮仔，可遊玩的地方著實不多，風景亦不是"嘩!嘩!"聲嗰隻，除了品酒外著實一無是處，最後都係決定早點出城，吃過午飯後便乘火車離開。
冷清的古城堡要HK$50大元


咁悶！炸咗佢！










除咗飲，都仲係飲！呢隻係呢度同紅酒"公牛血"齊名嘅白酒"Aszu"




無匈牙利牛肉飯都整個牛肉湯



呢味叫Hunter Master...到而家都吾知係乜

Day6: 左走右走嚐美酒

6-10-08 匈牙利 布達佩斯
昨晚乘十多小時臥鋪到達匈牙利首都布達佩斯東火車站；東站是國際列車的停靠站，外貌非常殘舊，卻保留著旅客喜愛的共產味。走出擠逼的車站後，沿著地圖的指引找到Euro2０/人的青年旅舍，吃了十分昂貴的Burger King後，便去乘搭13:05pm往美酒之鄉Eger艾格爾的火車，3:00pm左右到達後信步參觀一下古城廣場及找找酒店，訂好了酒店後便乘巴士到美人谷吃晚飯嘆下酒咁話，可惜到達後找不到酒庒之餘天色又黑，四周仲鬼影都無隻，唯有找間還營業的餐廳用膳，飯後仲要趕搭尾班車出城，真係把鬼的一天！
屈質但又幾好瞓嘅臥鋪










咁就舊幾水嘅一人份Burger King



往Eger的鐵皮火車好好feel



廣場雕塑





去食晚飯，又要坐車




好彩出品都唔錯，由其係呢道甜酒煮鵝肝

Day4&5:昨日飄雨今天晴

4&5-10-08波蘭 悉尼高班Zakopane
今天由克拉科夫轉戰到接壤斯洛伐克邊境的滑雪度假勝地悉尼高班；早上先到火車站預訂好到匈牙利的臥鋪車票，隨即便在隔鄰的長途巴士站乘兩個半小時車到悉尼高班，下車後看見附近的境況心中不禁一涼，荒蕪的車站及陳舊的設施，加上下著綿綿細雨的冰冷異境，很難令人相信眼前便是令西方遊客趨之若鶩的度假天堂。在附近尋尋覓覓兜兜轉轉了個多小時了無頭緒下內子終於出手...買咗張週邊地圖便沿著Kosciusaki大道步行約二十分鐘，正式再遇文明...一個一睇就知專昆遊客嘅手信步行道除除出現於我們眼前，遊人如鯽其門如市，當堂熱鬧晒！！
找到一間可遠眺雪山(都係第二朝好天先知)的小酒店後便出動遊玩，由於之前折騰了不少時間，天色已開始轉暗，所以只在步行街來回遊蕩一下，便去找吃晚飯的地方，以祭勞累了一天的轆轆飢腸。
下著冷雨的步行街


酒店裡睡在暖氣旁的小狗



晚飯食地道波蘭菜，點少得波蘭音樂



第二朝重頭戲坐纜車上雪山，山腳5度











落番山就去食熱騰騰烤肉暖吓身！跟住就要趕番出城搭夜車去匈牙利嚕~

(番外篇): 三聚氰胺100%

除咗倭寇人嘅瘋狂扭旦文化外，放眼世界諸國，最盛行嘅都只不過係扭下吹波糖咁，雖然玩具都吾少，但係入面吾係D日本死貨就係D陳年"悶"具，反而部扭旦機本身就甚具看頭，無日式機咁死"咕咕"......都值得八卦一下：
匈牙利Eger扭旦機裡的維尼熊，算係好update㗎啦





堂堂先進西歐大國，奧地利的扭旦機竟是如斯不堪，呢D過期朱古力，真係貼錢都吾食，吾通有錢人淨係鐘意過下手癮？




之不過遊客區嘅又整得幾精美，之但係成蚊歐羅扭粒行運石春又有幾多水魚幫襯？





又係匈牙利扭旦機，每部機形都有好大分別，咪幾得意！




波蘭悉尼高班步行街的扭旦機，內裡的玩具好有兒時80年代的風味




捷克布拉格的扭旦代表，部機得個大字，入面全部都係雜旦，散貨咩！



英國機場屎坑內的扭旦係香口糖，但係呢個時候究竟係入口定出口臭D呢？

Day3: 天灰雨矇心沉重

3-10-08 波蘭Krakow克拉科夫-奧斯威辛集中營
今天是到二戰歐洲最大屠場：奧斯威辛集中營，連天色也變得陰陰暗暗，令參觀時的心情也灰灰的加倍難受。
早上吃過斷磅秤的早餐後，便到火車站旁的長途巴士站乘兩個多小時車到奧斯威辛，參觀一號營(二號營相距三十公里，主要是毒氣室及營舍，要再乘車前往)。已成為世界遺產的奧斯威辛集中營，為讓世人知道更多真相，是以免費開放，當然另顧導遊便雖額外附費了。集中營多幢建築物內部被裝置成不同的陳列區，揭示著當年各國異見人仕在集中營慘無人道的狀況，及對法西斯主義罪行的鞭撻。若細心地觀看各區的話，一天時間只是僅僅足夠。若想同日參觀二號營，務必早點到達及預早計算離開巴士的班次。
逐磅計的早餐，梗係搵D輕D嘅食啦！



營舍大門的句語"勞動換取自由"，可是自由是在死後...



曾處決無數死難者的死亡牆



四週圍滿密麻麻的電網