Day14: Check-out無咗人 Check票Check兩"渾"

14-10-08 克林洛夫--布拉格
因為要趕早車(有邊次唔趕嘅...真係)，6:30am就起身退房，但係反轉成間旅館人影都無隻，眼見時候不早，唯有將錢放在房間，鎖匙塞入信箱留個字條便飛快離開(仲話8:00am有早餐食，7:30am毛都見唔到有條)！
飛奔往巴士站搭早了一班車，到達轉車站還有時間歎番杯咖啡。9:00am出車11:50am到達一不知名地鐵站，幸好今次老老實實買了全日票，於轉乘往布拉格途中就被抽查兩次，就正如旅遊書上所記載專截查亞洲人一樣，真係寧可信其有呀！
1:00pm左右順利扺達旅館休整後爭取時間又再出動，前往布拉格城堡參觀。
太空漫遊地鐵站




往城堡的路被落葉染黃




城堡內的主要景點：聖維特教堂，總動工時間為六百年





城堡內另一看點：玩具博物館，內藏大量珍貴歷史玩物(Cz70/位)



伏爾瓦塔河邊遠眺查理橋



查理橋旁邊賣handmade木偶的工作室



卡夫卡故居



又嚟古城廣場

Day13: 歌德遇上巴洛伐克

13-10-08 捷克 布拉格--克林洛夫Cesky Krumlov
又係由首都轉移去小鎮嘅時候，今次亦都係世界遺產之一，曾被選為皇帝的居所，沿伏爾瓦塔河而建的古城：克林洛夫Cesky Krumlov
乘地鐵到長途巴士站購買11:00am往克林洛夫的車票HK60, 三個多小時車程提供免費報紙雜誌咖啡或茶電影放送，仲疏肝過搭飛機。約2:15pm到達後沿小路往城鎮途中預訂了旅館卸下行裝，兼到旅遊中心找換貨幣及訂購翌日回布拉格的車票，由於克林洛夫是一個半日可逛完的小小小鎮，故打算雞未啼就撲番出城，可借晨早7:00am的車票已售罄(我估個個都係咁諗)，唯有退而選擇8:00am再轉車的班次。
捷克的廉價早餐



巴士上面有Wi-Fi, 不過慢到...




克林洛夫的全景





圍繞整個古城的伏爾瓦塔河



橋上攞景



伏爾瓦塔河邊食個包都好味D



成街都係賣馳名木偶嘅商舖



講價用口，內子卻講手...插眼！！




迷人的夜景



晚上吃地牢燒肉，惹味到震



呢個洋䓤湯好似月牙泉一樣，D湯水比麵包吸走唔見晒！！

(番外篇): 啤酒平過水 仲唔起勢隊！

酒，素來只喜歡淺嚐，絕不嗜劈，雖則小的酒量非淺，但也只會適可而止。有云酒後能忘憂，一醉解千愁，但做人做到要借酒消愁未免EQ太低，所以酒只會在快樂時才享用，是要來清醒時贈慶，不是醉薰薰時掃慶的。正因為咁...去旅行咁開心，梗係要大啖飲！！

每個國家的本地啤均用本地水釀制，有助舒緩水土不服......我估

Day12: 還番㗎車坐火車

12-10-08 奧地利 賀斯特--捷克 布拉格
老人家早起身 (我係話屋主)，所以我哋都不敢怠慢，如果吾係遲咗就食唔到溫馨早餐！餐後找埋條數便驅車回城交車，當然回程前要先到昨晚錯過了的步行街血拼一下，順便補番幾張晨光下的賀斯特沙龍。
領航員揸住張地圖仔幾經辛苦排除萬難終於回到交車點，但係人哋星期日要休息你又吹佢唔漲，唯有按著貼係門口張紙仔指示將車交還到附近油站，然後便到火車站等待開往布拉格的列車，於站前買點熱狗小食後便搭乘一小時火車再轉乘約六小時包廂，幸好一早預訂咗包廂才得以舒舒服服安坐廂中，皆因全車走廊已塞滿乘客，到餐卡吃點東西也舉步為艱...於10:00pm到達歐洲最漂亮城市--布拉格。
到達後又係哨兵出動搵住宿嘅時候，由於車站入夜後治安比較差，所以便留下一位男隊員伴著兩位女士，我等二人便深入漆黑之中，尋覓今夜容身之所。


賀斯特的早晨



揸車行錯路卻遇到美麗景緻



往布拉格，尚要轉車...



月台上驚見走水貨往返深港兩地的拆家


關員立即上前調查！



五名港客與一名操德語女子於同一包廂內



好有共產味的布拉格車站標示(僅此而已)

Day11: 七下七下七人車

11-10-08 奧地利薩爾斯堡--賀斯特Hallstatt
晨早吃過早餐留下女士在酒店，男士們到附近的租車公司取車，但係好景不常，事前預訂好的取車地方被維也納的職員誤以為喺機場！(張單寫德文呀大佬！)於是三條懵丙被迫坐20分鐘巴士(今次有比錢)到機場取車，不過除咗好景不常之外，原來仲有禍不單行；來到機場租車柜位，負責嗰條友仔走咗去蛇王，要等到12:00pm先嗱住兩袋老麥番嚟，攪埋手續出得車加行錯路(無GPS的), 再去預訂明天到布拉格的火車票，差不多2:00pm才可以正式成行！向靚到震嘅小鎮賀斯特Hallstatt進發！！
折騰至下午，終於可以出車




沿途風光






靚到成為世界遺產的Hallstatt小鎮




呢張菲林相曝光錯誤卻很有型



HallStatt特產：自釀濁Beer



是日晚餐


由於河邊小屋爆滿，幸得山邊公公婆婆精緻小屋收留過夜