你擺酒我請客

青少年吸毒，納稅人要比錢佢哋戒毒；
有人犯事，我哋要夾錢請佢哋食皇家飯；
按此推論，巴士公司用廢氣大巴毒害途人，我哋的確有責任出錢比財閥將設施更生，將生意做得更大；
想電力公司唔用煤毒煙熏港人，市民當然有義務出錢換取清潔發電源，加電費不用理會勞什子的機制。
香港政府能有一貫如此高思維，全因他們也深受這制度的恩惠~ 只懂做錯事的狗官們，市民依然要每個月奉上天價狗糧，填飽佢哋副胃腸。

回眸

做人不要向後望~好事留心中，壞事逝似風；
做貓不妨回頭望~拍照輕輕鬆，讓我早收工。

人力勝天

讓小市民放鬆一下看完千載一遇的半小時天狗食日後回歸現實...
仍要無限期收看狗官每天上演殘民自肥飽食民膏，隻手遮天蔽日的真人Show

人人英雄

http://jibundamashii.com/

金至尊 X Bandai隆重推出激光顏射頭像拉打計劃！
如果有朝一日出嘰嘰，一定要約埋班老死訂番套...

終氣

呢處橫睇掂睇都唔似油站，而佢又毗鄰多個舊式屋村：石硤尾／大坑東／大坑西／南山...仲荒廢咗唔少日子，我諗係漸漸被煤氣取締嘅罐裝石油儲存或分銷站咁啦，有無邊位住喺附近可以解答吓呢~

擋駕

這架是每次與朋友出外玩樂的戰車，無牌如我只是坐車尾的份兒，但風馳電掣無拘無束這回事兒也可體驗一二。但今後還是不要鑽上高速公路飛馳，寧願花點時間在煩忙的街道穿插一下較好，不是怕友人技術不濟，而是萬一被警方在高速公路徵用做人肉路障時，千均一發間催谷不上金鐘罩十二關，運不起一身氣硬功鐵布衫，後果真係好似成條白鱔上咗淺水灣...咁慘

熱臉貼冷屁股

大佬！有人偷拍喎！


啱啱瞓醒，等我洗個面執執個樣先...


唔爭在洗埋個身...


又唔爭在幫你洗埋啦大佬...


嚟啦，怕咩羞啫，大家咁熟...


哎喲！大佬唔領情都唔好講手呀！

當下

家裡的愛駒：長尾~大病癒後日見心廣體胖，重拾好食懶飛本色！忘卻慘痛教訓，只求快樂人生...共勉之！

鬢毛吹

用冷氣嚟電髮已叫人費煞思量；仲highlight住用精嚟染白啲頭髮就更令人眼界大開！一日可以做幾多單呢吓？

新聞亂播

報導員正襟危坐，字正腔圓，正經八百的中國新聞解讀之SSTV新聞聯播；嚴肅的講，隱晦地笑，笑裡又可藏刀...高啊！
最新的是98期，不過早兩期的也不俗：http://www.youtube.com/watch?v=9_CA6X8cJRw

努力興建盡情破壞

國產元祖建造派！六位蛋散大結合變成破壞者一大個，盛惠四十大元！

建造派平日隱身於人類生活中，專接爛尾樓豆腐渣工程為生...近期代表作為上海一豪華屋苑


一接到老大麥sir 吹雞就即刻變身人多蝦人少...


再打不過人的時候就合體大蝦細


動畫版都幾靚仔吓㗎，電影版就變咗隻怪獸...俱往矣

哀我打工仔2

老細有兩間舖，生意好到唔使我做


日日坐喺度悶到打晒"喊露"


成日溜溜長最大嗜好就係梳毛...

無綫新聞編採教學

7.1的無綫午間新聞：
打頭陣梗係講下回歸週年巡遊嘅盛況，再影下特首祝酒，歌舞昇平繁榮穩定！唔少得訪問一吓樣版街坊對答興高采烈..(遊行真係要諗諗先)
第二編報導吓昇旗禮香港市民自遊行同慶賀，高官咪嘴唱國歌，熱情洋溢交足貨...(遊行真係要諗陣先)
順勢講吓今日熱過大暑，烈日當空，辛苦過燒炭，制服團體企响度都冧幾件...(遊行真係要諗過先)
跟住梗係講吓長毛又衝擊會場，幾咁乞人憎呢...(遊行真係要諗吓先)
為免比人話是是但但，都要到維園是是但但睇吓現場準備情況，同埋少不免提示吓今日真係好熱...(遊行真係要諗真先)
之後採訪由保皇黨特約之"泛民不代表我"蚊型集會，強調做人除中央外不要受人控制擺布...(遊行真係要諗掂先)
之後嘅天氣報告一再強調今日真係好撚熱喎！！！...(遊行真係唔好諗啦)

所以我走咗去睇變形金剛...

哀我打工仔

其實佢真係好眼瞓...



不過見有人行近...




就要屹番起身強打精神...招呼客人

大家食

酒後駕駛害人害物，酒後就算聽從政府呼籲搭的士，都依然要害人害物！呢啲咪正宗狗改不了吃屎，仆慣街唔識行路...囉！望就望今次咪見佢係洋鬼子就係咁倚判佢坐幾碌算數；縱然香港啲執法審判機關多數都係欺善怕惡兼鐘意仆喺條街度執屎食...

面子工程

繼潮風公園1:1高達後，神戶亦不甘後人，拿拿臨打造番個國寶級機械人：鐵人28!
第時全國省市城鎮都有機械人代表參與一年一度機械人大戰嘅可能！

......好彩我哋都有華懋廣場嘅原大小甜甜壓吓場~










http://www.kobe-tetsujin.com/index.html

他的眼光...

據聞元朗某報紙檔窩居咗條蛇貓，非常摩訶不思議，遂派出調查員深入訪查一吓！
見到啦！佢下半身藏咗喺山洞入面喎！


等咗一個上午，終於現身，真係無咗對腳噃！傳說中嘅蛇貓，比佢對眼望到會唔會變石頭呢究竟？


哎吔吔......吔！！𡃇！比佢望到添...


咪埋嚟呀！......e..ee..?


唓...... 黐線！

邊境遊

今日身痕走去踩單車，由大埔到鹿頸加參觀鹿頸村食午飯來回四個多小時，目的其實係同事要去新疆單車之旅作拉練。原本只為輕輕鬆鬆幾粒鐘變咗烈日乾煎爬斜坡...下次都係去吐露港𥄫吓女好過！
鹿頸村的鋼牙？！




全村剩下不到幾戶人家


這麼好的景緻遲早會被貪婪的發展商摧毀


永利...麻雀館？


笑咩啫！

溫總無詐形

怪獸們最鐘意侵佔有油水嘅地方，就如銀行金舖專招惹賊人，富婆招惹神棍一樣；日本被形形式式嘅妖魔鬼怪打搞咗幾十年，令到經濟一厥不振，失業率持續高企，個個無啖好食，連怪獸們都無乜心機，打起交嚟都無咁落力。好彩終於有個大國崛起，有得轉移陣地！
金甲戰士：好明顯係M78星雲裡面條唐人街嘅戰將！超人ACE嘅好兄弟，超人A...貸


鎧甲勇士：五條MK棒棒堂變身，設定算係唔失禮因為有日本東映幫手嘛，同福娃一樣以動物為原設，淨係打怪獸有啲浪費，不如打埋貪官啦橫掂都係咯



五龍奇劍士：中日合作，用神話做設定，女角徐正希...呵~呵~同㗎妹比無輸蝕啊！




變身戰士阿龍：同日本一間蚊型公司合作，個樣真係...似咩？唔係古迦，而係大人細路都鐘意嘅孫悟空囉，號稱第一部國產特撮，梗係要正經啲啦！


深水埗有佢哋啲玩具賣好耐啦！
上youtube有得睇，自己搜尋一吓