渺少

擁有最大水糟的沖繩美海水族館，可容納三條鯨鯊及一群魟魚同時暢泳，超級七彩伊士曼大銀幕睇到頭惡惡，場面異常震撼動人！百幾蚊入場無機動遊戲安安佳佳海威師令哈囉喂...都係覺得好底！！！


沿海而立的水族館，睇完有想跳海的感動！








每個間隔，都有著各樣住客





海龜館的外與內





可在大銀幕下進餐，睇到頸都梗埋！




呢張大巴壓頂，一顯內子攝影功架！




我都吾失禮，整張九巴，新巴同城巴一齊經過...但係中間比架十四座搶咗鏡！！





都同阿堂妹整番張先~

真正玻璃水

沖繩D水真係靚到無朋友！係咁易行到去膝頭哥位就會見到珊瑚，仲有好多魚同大家玩。可惜時間關係吾係游咗好多次水，因為要去D更正嘅沙灘就要揸番咁上下時間車，今次日子太短，仲未做到日日陽光與海灘，希望下一劑可以游多D !

貓樣沖繩

去旅行點少得影貓，沖繩D貓全部都好窈窕，我家長尾真係見笑...

晚上在國際通被迫擺檔賣膠花的小貓



咁猛太陽，係車底避下暑先





係串燒檔門口等食的可憐貓，最愛吃木魚絲(其實你比咩佢都食嘅...)




响牧志市場裡好聽主人話嘅貓貓，同佢地合照點少得！






平和通的小貓，超爛玩的

下海

沖繩重頭戲梗係去潛個靚水！百忙中胡打亂撞搵咗一間叫Seven Ocean Club嘅舖仔，16,000日圓玩兩個dive，第一個潛點D珊瑚真係死得七七八八，好彩都仲有好多魚比我地睇...而第二潛就係沖繩最著名嘅青之洞，但因為太出名，相對地就十分多人，不論浮潛徒潛洞潛深潛游水獨木舟等大小水上活動都係嗰度發生，所以為咗避開沿岸人潮，就焗住要係海中心游過去，真係氣都咳！不過洞內境色又真係與別不同，都算值得嘅，但係回程時卻遇上強烈逆流，係已經無乜力嘅時候，仲要同大海博鬥，上番船真係成個散晒......
一落水就撞見條全島最強嘅毒蛇！




小的第一次海外潛航，D水靚到難以置信！







全靠brother至有靚相睇



第二個dive係去左手邊個山洞







上水啦，咁就玩完...