沒錢花革命

今年遲來的公司旅行終於在今晚起行，目的地大阪三日兩夜行色沖沖，錢唔敢帶多費事唔覺意搞到人哋通脹就唔好意思...因為跟據"財奴曾"最新指示退稅令人使錢會增加通脹，所以比錢乞兒會通脹，買個麵包會通脹，出個埃瘋會通脹，出咁多俸祿比你哋班冚家剷食塞米更一百巴仙會加劇通脹...唔係話嘢嘢攤大手板問你攞只係想分享一吓經濟成果，耐何錢响佢手只益自己友你真係吹佢唔脹，一界蟻民只得自行解決唔派錢但依舊存在兼日益嚴重嘅真通脹。

The Collector

朝早幫你裝門鎖，夜晚番嚟爆你格的倒霉賊仔不幸遇著一家人被變態殘殺，自己要全身而退已經唔容易，仲想救得一個得一個，係咪真係咁有辦法？
導演Marcus Dunstan是恐懼鬥室後半部系列的編劇，處女執導作：The Collector當然少不了變態殺手精心策劃的奪命機關。雖然其精密程度及驚喜感與SAW還有很大距離，但於一間大屋裡佈置著密密麻麻的機關陷阱，已叫主角步步唯營舉步為艱！加上噴血爆裂場面亦不瞬於前者，由主角入屋開始已沒有冷場，算是對得住看官們。至於點解會叫作Collector，戲裡只粗疏交待殺手的嗜好是喜歡收集"人"，究竟收集嚟搞乜同點用就真係問啲死唔去嘅生還者都未必知...兼且唔明為何每次都要用一個活人作"餌"去誘殺下一家人，睇怕要等續集至可以解釋一下。

多一事不如旦牛治

自從深水埗滑滑腸粉檔被少年?淫神點過相後，搞到家陣風聲鶴唳排晒隊多得佢唔少。好彩自以為識食嘅佢無推介到同一條街嘅頂級旦牛治，如果唔係就搞到已經好多人嘅舖頭仔仲多條人龍就真係做到已經嘈嘈閉嘅水吧阿哥更唔老嚟！都係襯唔使點等位，得閒嚟多件啦喂~

波米叔叔的前世今生

勇套2010年康城金棕櫚大奬的泰國電影
人到臨死前才懂緬懷過去？什至有閒去緬懷自己的前世？？患上末期腎病的波米叔叔決定回鄉渡過餘生，在這裡休養期間卻重遇死去19年的妻子亡魂，之後連失蹤了多年的兒子也化身成猴靈出現，回來照顧看守他。波米叔叔更夢見自己可能是古代一位公主，因容貌有損一直耿耿於懷，更被湖中鯰魚誘使獻身...
整齣電影用了大量long take手法拍攝，即是我們常說的lock機。一個鏡頭下來數分鐘不移不動是閒事，加上陰沈的森林和寂寥的環境，令到全片的格局都是靜靜的流淌著，就如波米叔叔面對死亡的一種平靜心境，放下一切隨著命運帶領自己走完最後一步。
看完波米叔叔的前世今生，在網上搜尋一下原來有蠻多深層意義，包括導演對拍攝手法的譂釋，泰國與寮國的地區關係，及角色的多重象徵，當然少不了電影的藝術角度與劇本背後的隱喻...看得一頭霧水的我亦無謂扮有型搬字過紙寫影評，睇唔明就直認睇唔明。

沒有你對我很重要

自從戒掉打機，便多了時間上網遊蕩；
減少一點上網時間，便可多看一會電視；
若不看電視，便多了時間彈下Bass;
偷下懶唔彈嘅話，便可以用來寫Blog或看書；
如果省下這點時間，晚上可以早點睡覺；
少睡一點，早上可以聽吓歌諗吓嘢看齣戲；
看少一套戲，可以早點出門走走影吓相逛逛街...
每日生活緊迫，要將時間一點一滴積累，著實來得不容易，要將辛苦榨壓出來的空閒虛耗在一部電話上...說不過去過不了自己。

豁出去

出嚟做事，無論屁眼比人隊，定係遭人抽後腿...都要心如止水，昂然踏著前路去...

我雖不犯人 人哋卻身痕

在狹縫中求存，掙扎於劣勢裡困境中的底下階層，從不敢奢望有誰來扶一下幫一把；只卑微的哀求各路人馬貴手高抬比條生路行吓...但當閣下為一個幾毫攪盡腦汁出盡勞力使盡渾身解數時，自會有人為了於自己的一百幾十億裡加添一個幾毫而將閣下的生存權利犧牲，求生意志摧毀。
一個國家容不下一粒反對聲；一條高鐵容不下一個菜園村；一排豪宅容不下一片濕地；一個發展計畫容不下一張囍帖；一個領匯容不下一個小商戶......
這棵同樣於狹縫中崛強地生長起來的小樹，從來沒有要人施捨一滴水一滴肥，更不奢望有人打理比人睇得起，只求默默堅守陣地迎風飲露拙壯起來。幾個寒暑下來從不阻礙行人的慢慢與週遭融成一片枝壯葉健迎頭向著一片天...可惜過不了今年。

恭柿恭柿

發財怕爭產，富貴唔得閒...搞嚟搞去只因貪，一句身壯力健就最啱