婆貓車

這隻坐在手推車的貓咪，是一位婆婆進入店舖內泊在收銀旁的。路過的我已發覺車內有異樣，所以跟蹤入內快手拍下。貓咪對我的鏡頭也算好奇，眼瞪瞪的望個不停...但為免驚動婆婆以為我想擄貓勒索，所以得手後便迅速逃離現場，繼續搜索貓蹤去。

日系貓毛

三日兩夜東京之行看似蹌促，卻又可以舒舒服服。晨早到達築地食完個早餐後就各自修行，無無聊就決定去高Yen寺行個圈。不過都係一條大街加幾間懶有型舖頭咁，一陣間就行完，距離第二個目的地還有大把時間，不如走去民居逛逛...無意中就發現一群正在懶洋洋晒著太陽的貓咪，即時破壞了我的悠閒散步計劃，又係踎底起身擒高擒底嘅時候啦...

東京急急行

O咗幾晚T加今朝通完頂，回家小睡後執拾一吓行裝晚上搭零晨機到東京三兩日公司旅行，沒有刻意安排什麼行程，隨遇而安加上輕鬆心情，一人神遊或結伴把臂，隨意的組合可能會得到最大驚喜。
有同事會到三鷹之森一遊，對時間不太充裕的行程，也是一個不錯的選擇

眼蔽

處身井底還可望見天空，位高權重卻看不到群眾

差人體質差過人

點解有親衝突都會有全副武裝嘅警員掛彩？呢啲臨記幾錢位，點樣報名㗎？定還是現今當差的身手確實九流...都怪葉繼歡季柄雄班大賊太早收檔，搞到各位手足們都過於安逸，淨係識得拉手無串鐵嘅小市民維權者同埋強姦報案人...

在此要譴責一吓被胡椒噴霧顏射而面不改容的示威者們，你們的堅毅，令警方顯得更碌碌無為！

操！嚟嗎？

正所謂道友走得快，必定有古怪！每次到針山，梗係有嘢玩...
屋企後花園城門水塘的針山草山加大帽山，是每次海外出征前的操練三寶。頭炮熱身最好的選擇便是到針山鬆一鬆筋，練多一次半次後就可一口氣直奔大帽山，其時即可恢復七八成戰鬥能力，其餘就是聽天由命，萬試萬靈!

物腐蟲生

用六百多億興建高鐵方便一小撮人，卻衍生出大量社會問題；用二百多億回購兩條隧道方便全港市民，只損害一間中資集團的既得利益...前者事成領導人面上必可貼金，社會分化卻日漸加深；後者成事政府民望鐵定升溫，社會和諧官員齊加分...盲既都識揀卻遍愛與民為敵只愛利益輸送呃飯食，特區有你哋班冚家剷真係遲早仆直。

審死官

搬咗嚟北角返工咁耐，終於有借口到新光戲院見識吓！
朱咪咪加盧海鵬，唔好笑真係要請食飯

深水火熱

深水埗要被逐街剷平，由價廉物美小市民聚居地變成假豪宅上流人歐陸庭園已開始進入倒數階段，最先清拆的是提供平價食品日常生活百貨的北河街，先斷糧草，後剿大軍。逼使原有住民要向李氏PK shop入貨，最終難以負擔日常開支而自動棄守家園，人口自然流失後福華福榮街等店舖無以為繼，最終亦會自動落入地剷商走狗市建局手中，是為第二期清拆項目。失去兩大人流消費動力支柱的深水埗，只餘無力抵抗的殘兵老弱已不成氣候，每人派一百幾十再加威逼截水截電，大功幾近告成！啊！漏咗鴨寮街？大家少擔心，佢緊係升咗呢變咗有冷氣過你嘆嘅商場啦。
貓：比條路行吓好喎...