蘇屋邨

又拆！又拆！又拆！即將煙滅的牛頭角下邨不愁寂莫，六零年興建的蘇屋邨於年中亦會步其絕路後塵。如果說牛下是港式平民大雜燴，那麼蘇屋必然是庶民花園居庭；寬闊開揚的設計，高度綠化環境，令人置身於一個與別不同的低下層居住國度，沒有一般樣板屋邨的擠逼喧鬧，有的只是淡淡然的悠閑，比下有餘的知足。今天這種生活素質，上千萬的縮水鉅宅望塵，幾百萬的假豪宅莫及。另外，蘇屋英文仲好有型，叫So...UK，正正刺中土共擦鞋仔大腦神經，消失...非命也




重建後還能看到這片天嗎？


抑或能與背後的豪宅比肩


為居民默默遮風擋雨數十寒暑，明天只是一棵棵等鋸的樹


聽聞中間的小白屋可以保留





這個名家手筆壁畫亦能避過一劫


彷彿走在唐寧街的英式圍欄


花開總有花落時



是否走得太快...停下來坐坐可以嗎？


罷了，誰也保不了誰

騎~劫

國內所有境點都係做買賣嘅地方，多數閣下想看的境緻都會被販子們覆蓋，而當你下車嗰一刻亦同時會被佢哋覆蓋。做買賣嘅概括可分為照像系，記念品系，叫化系，手工藝系，吃喝系，當然少不了充滿地方特式的騎乘系；沙漠騎駱駝草原騎馬森林騎象牧場騎駝鳥返工騎牛搵馬供樓騎虎難下。嚟到青海同胞們梗係要騎下牦牛，而牦牛又以白色的較為珍貴；不過在場有十幾隻白牦牛排隊等緊同你影相嘅時候，就覺得佢哋一啲都唔罕有，仲有啲濫添。就好似啦fing同柴九哥咁，真係好煩呀...
問價開價講價還價...多數都係混吉㗎


我諗塊布有番啲民族特色會唔會好睇D呢


嘩！牛呀！白色㗎！有毛㗎！衝呀！

星球大戰猩猩朱兒白化版山羊

副業

迪士尼入場人次屢不達標，擬不惜加碼擴建再賭一舖！雖未至減薪裁員，但一眾員工於現今海嘯劣勢下猶如活在刀口上，朝不保夕。年資尚淺無家庭負擔的每日只想轉工跳槽，無心戀戰無眼睇。可憐朝中老臣要兼顧一家大細唯有緊守崗位，但總不能坐以待斃。諗吓計仔做下小生意望有朝一日上到位...
求神拜佛阿鋼牙，大鼻高抬貴手，咪嚟搞搞震啦喂！

魚慾劏

青海湖一望無際，但湖中游魚只得一種，是乃青海湟魚；我國地域廣闊，愛吃湟魚的民眾成千上萬...所以，於青海湖內蝦自大的湟魚們，終敵不過悠悠眾口，步向衰亡。國家後知後覺封湖育魚之際，卻是將湟魚身價推向高峰之時，食肆貼上警告彷似煞有介事，枱下交易卻又若無其事。

良心

到國內用餐，最"講"究衛生；無插電嘅消毒碗柜，用到皺晒皮印住已消毒嘅已消毒筷子套，放係地下印住消毒餐具嘅濕漉漉碗碟，貼係牆角寫明本食店定期消毒但舖滿塵嘅衛生證書...姿態十足，成效莫問。其實响食材原料都未搞得清係咪食得落肚嘅今日，餐具碗筷食肆就算比漒水乸過一菌不染又如何，出咗事都唔知問得邊個？
不過難得嘅係圖中呢部筷子消毒機又真係開著㗎喎~

早起的鳥兒

很愛每朝早起來時聽到的雀鳥叫聲，雖不致於百鳥爭鳴，但响石屎林裡仍奢侈地欣賞到大自然的鳴奏，心底裡還是很感到欣慰，起碼週遭尚有令雀鳥們一息尚存的空間，人類因禽流感而濫殺鳥類，而自己也成為驚弓之鳥，可鳥兒們卻愛用天籟般的歌聲為我們每朝注入動力與神采。近日來都常聽到班鳩的"咕咕"聲，今天早上起來四處打聽一下，原來有一對班鳩(我一廂情願牠們是一對的)在窗外休息；一隻在晾衣架，一隻在樓下的排氣口。牠們時而對望時而整理羽翼，就算我行近窗前也不慌不忙，好整暇爾，從來沒因人類近排的流感而有所避忌，更遑論要對我們趕盡殺絕...

代香港表！

錢能通神，定仰或令人失神？國家經濟騰飛可以忘記六四...唔怪得經濟發達早我哋幾十年嘅倭寇人，可以唔鬼啋你班友年年月月日日咁聲討南京大屠殺啦...阿特首！

Day6:搞幾日上山，仆半日落山

29-4-09 下午
頂峰--C1--大本營--格爾木
滾搞咁多日，上到頂都只不過係逗留短短十多分鐘，心不甘情不願下都要滾水淥腳咁離開，因為天色開始昏暗，高原氣候變幻莫測，走遲D都唔知發生乜事...
臨落山都仲有少少藍天，擺多個pose影相先...


呢度落番去無休息過都行咗一粒鐘


終於落番C1，e...乜無沖幾日涼就成身頭皮？


頭皮越行越多，快D落番山沖涼


由於全是碎石路，加上高山靴非常硬實，PK次數比行路多...




乜行行吓去咗南極...阿陳總，玉珠峰都未播完咁快就要拍冰天動地？


仆咗三個鐘，卒之去到山腳，登山辦有部jeep接我哋返大本營，行少兩步都好啦!

去到大本營又鬼咁好天...拿拿聲收拾細軟，還番D架生上車即撇，三粒鐘後就番到格爾木嘅賓館好好沖番個靚涼瞓番個好覺咁囉...D頭皮又真係無晒喎~

Day6:乜行極都唔完咁㗎~

29-4-09 上午
C1--玉珠峰頂(6178m)
昨晚三條大漢同三個大包包攝咗喺個塞唔落三個人嘅三人營度過咗半晚，响清晨4:30就吹定雞坐起身等攻頂，由於要等天氣較穩定先可以出發，(至於點睇邊個決定就佢哋先知)所以坐咗起身都係得個等字！由滿心期待週身是勁等到雙眼半合到轉番入睡袋大覺瞓...終於响7:30一聲令下倒瀉蘿蟹收拾裝備拿拿聲出發！早餐？大家都無咗呢件事啦~
快快趣著安全坐帶，穿好高山靴，套上冰爪及雪套，帶齊上升器，冰鎬，相機等，仲要著多件羽絨外套...GO!GO!GO!

咪以為好近幾步路，呢度上去要又唔知要玩幾耐！


排好隊一個跟一個...點解得番四個？因為友人不慎病倒，失卻氣力攀登這最後的路程



頭段都仲有D碎石比大家休息吓


之後多數都係D咁平滑嘅冰面，企定都難，咪話坐


所以繩索同上升器係時候出動！




真係行極都唔到頂，明明就好似係眼前咁...無計，行得四五步就要回氣，無得急


撞你個鬼，教練們唔怕無氣抖最怕無煙抽


我就想飲啖水，不過淨係得思樂冰...


e...乜突然間太陽離我咁近...


原來經過五小時嘅煎熬，終於都到咗頂峰，即刻攞支旗嚟扯吓先！


我哋上嚟嘅係平民路線：南坡，身後嘅北坡更為凶險



另一邊嘅鐵塔好多人都想過去，但係好多人都唔比你過去


呢度地方淺窄，坐一陣就要離開留個位比上緊嚟嘅隊員


其實上到頂果煞那都無乜嘢諗，淨係覺得好肚餓同埋終於捱完唔使呆等多一日...嗰D有關思考人生處世大道理生命滿希望努力向上積極生存意義嘅心聲，都係留番比無線D編劇度掂佢啦！
未完㗎！未完㗎！仲有下山報告...