Day16:追趕跑跳碰 星期一又要返工

16-10-08 英國倫敦--17-10-08(3:30pm)香港
作晚乘廉價航空於今晨12:00am到達英國Gatewiak機場，由於眾人都非常疲憊，不想慢慢轉火車出倫敦，於是便一擲千金顧用的士直達，爽係好爽，不過非常昂貴，有生之年都未必再試...約2:00am到達已預訂好的酒店，這裡的酒店是行程中最貴但又最殘舊的；無法啦，離開價廉物美嘅東歐之後，真係少個仙都做唔到人。左搞右搞到4:00am終於撻得落床瞓覺，8:00am還要起來吃早餐呢。
早餐後乘地鐵到泰晤士河沿河遊覽，下午以最短的時間乘地鐵四圍逛，行到散晒，臨上機前買咗個唔食唔算嚟過英國嘅炸魚薯條充饑(其實又乾又鞋都唔知有乜好食)，裙拉褲甩下飛撲往希斯路機場，推著行李奔跑間整包炸魚薯條跌到一地都係，邊執邊check-in得嚟時間非常緊迫下又上到機(9:15pm)，正好為我們這次趕頭趕命的東歐之旅畫上句號。






沿岸大興土木，希望唔係咩豪宅項目



對於頻臨破產的我們，坐一次都太奢移...


很有型的路燈，連白鴿也愛上



佈防森嚴的泰晤士河上空的AH-64阿帕奇



經歷韓戰後退役下來的"貝爾法斯特"號，現於河上供人參觀，當然又要比錢...




亳無飲食文化的炸魚薯條

Day15：食得好時走得早

15-10-08 捷克布拉格--英國倫敦
晨早起來去歎番個預謀已久的豪華早餐，目標是享譽全球百多年的捷克Cafe Louvre, 最高級的用料配以最上等的招待；沒有半島陸羽拒人於門外的感覺，也沾不上半點阿一飽魚暴發自由行財大氣粗的喧鬧，彼此就是尊重週遭雅緻的氣氛，而這種難得舒適的氛圍亦是靠大家相互尊重而得以建立。悠閑地享用過既優雅又尊貴的早餐後，馬上便要回復打甩脾港客血拼真面目，皆因剩下不到半日的時間裡，要全力出擊撲殺，把握東歐最後一站掃個天番地覆...趕乘7:00pm往倫敦的航機。
Cafe Louvre門面其實好普通，行過咗都唔覺嗰隻



冧裝咗唔知幾多年嘅捷克最佳餐廳



格局唔使要豪華，唔使要浮誇，最緊要係唔好變






搞咁多嘢，其實只不過係食個捷克或其鄰國的傳統早餐；享受這份堅持了百多年的傳承...即係話，我飲茶想食雞球大飽多過素翅花支果凍蝦餃皇囉



古城廣場的天文鐘，每小時報時前都會吸引大批遊客聚集欣賞十二門徒輪流出場，但卻換來每小時的一陣炒蝦拆蟹聲...(咪就係流得滯囉)

Day14: Check-out無咗人 Check票Check兩"渾"

14-10-08 克林洛夫--布拉格
因為要趕早車(有邊次唔趕嘅...真係)，6:30am就起身退房，但係反轉成間旅館人影都無隻，眼見時候不早，唯有將錢放在房間，鎖匙塞入信箱留個字條便飛快離開(仲話8:00am有早餐食，7:30am毛都見唔到有條)！
飛奔往巴士站搭早了一班車，到達轉車站還有時間歎番杯咖啡。9:00am出車11:50am到達一不知名地鐵站，幸好今次老老實實買了全日票，於轉乘往布拉格途中就被抽查兩次，就正如旅遊書上所記載專截查亞洲人一樣，真係寧可信其有呀！
1:00pm左右順利扺達旅館休整後爭取時間又再出動，前往布拉格城堡參觀。
太空漫遊地鐵站




往城堡的路被落葉染黃




城堡內的主要景點：聖維特教堂，總動工時間為六百年





城堡內另一看點：玩具博物館，內藏大量珍貴歷史玩物(Cz70/位)



伏爾瓦塔河邊遠眺查理橋



查理橋旁邊賣handmade木偶的工作室



卡夫卡故居



又嚟古城廣場

Day13: 歌德遇上巴洛伐克

13-10-08 捷克 布拉格--克林洛夫Cesky Krumlov
又係由首都轉移去小鎮嘅時候，今次亦都係世界遺產之一，曾被選為皇帝的居所，沿伏爾瓦塔河而建的古城：克林洛夫Cesky Krumlov
乘地鐵到長途巴士站購買11:00am往克林洛夫的車票HK60, 三個多小時車程提供免費報紙雜誌咖啡或茶電影放送，仲疏肝過搭飛機。約2:15pm到達後沿小路往城鎮途中預訂了旅館卸下行裝，兼到旅遊中心找換貨幣及訂購翌日回布拉格的車票，由於克林洛夫是一個半日可逛完的小小小鎮，故打算雞未啼就撲番出城，可借晨早7:00am的車票已售罄(我估個個都係咁諗)，唯有退而選擇8:00am再轉車的班次。
捷克的廉價早餐



巴士上面有Wi-Fi, 不過慢到...




克林洛夫的全景





圍繞整個古城的伏爾瓦塔河



橋上攞景



伏爾瓦塔河邊食個包都好味D



成街都係賣馳名木偶嘅商舖



講價用口，內子卻講手...插眼！！




迷人的夜景



晚上吃地牢燒肉，惹味到震



呢個洋䓤湯好似月牙泉一樣，D湯水比麵包吸走唔見晒！！

(番外篇): 啤酒平過水 仲唔起勢隊！

酒，素來只喜歡淺嚐，絕不嗜劈，雖則小的酒量非淺，但也只會適可而止。有云酒後能忘憂，一醉解千愁，但做人做到要借酒消愁未免EQ太低，所以酒只會在快樂時才享用，是要來清醒時贈慶，不是醉薰薰時掃慶的。正因為咁...去旅行咁開心，梗係要大啖飲！！

每個國家的本地啤均用本地水釀制，有助舒緩水土不服......我估