(番外篇): 三聚氰胺100%

除咗倭寇人嘅瘋狂扭旦文化外，放眼世界諸國，最盛行嘅都只不過係扭下吹波糖咁，雖然玩具都吾少，但係入面吾係D日本死貨就係D陳年"悶"具，反而部扭旦機本身就甚具看頭，無日式機咁死"咕咕"......都值得八卦一下：
匈牙利Eger扭旦機裡的維尼熊，算係好update㗎啦





堂堂先進西歐大國，奧地利的扭旦機竟是如斯不堪，呢D過期朱古力，真係貼錢都吾食，吾通有錢人淨係鐘意過下手癮？




之不過遊客區嘅又整得幾精美，之但係成蚊歐羅扭粒行運石春又有幾多水魚幫襯？





又係匈牙利扭旦機，每部機形都有好大分別，咪幾得意！




波蘭悉尼高班步行街的扭旦機，內裡的玩具好有兒時80年代的風味




捷克布拉格的扭旦代表，部機得個大字，入面全部都係雜旦，散貨咩！



英國機場屎坑內的扭旦係香口糖，但係呢個時候究竟係入口定出口臭D呢？

Day3: 天灰雨矇心沉重

3-10-08 波蘭Krakow克拉科夫-奧斯威辛集中營
今天是到二戰歐洲最大屠場：奧斯威辛集中營，連天色也變得陰陰暗暗，令參觀時的心情也灰灰的加倍難受。
早上吃過斷磅秤的早餐後，便到火車站旁的長途巴士站乘兩個多小時車到奧斯威辛，參觀一號營(二號營相距三十公里，主要是毒氣室及營舍，要再乘車前往)。已成為世界遺產的奧斯威辛集中營，為讓世人知道更多真相，是以免費開放，當然另顧導遊便雖額外附費了。集中營多幢建築物內部被裝置成不同的陳列區，揭示著當年各國異見人仕在集中營慘無人道的狀況，及對法西斯主義罪行的鞭撻。若細心地觀看各區的話，一天時間只是僅僅足夠。若想同日參觀二號營，務必早點到達及預早計算離開巴士的班次。
逐磅計的早餐，梗係搵D輕D嘅食啦！



營舍大門的句語"勞動換取自由"，可是自由是在死後...



曾處決無數死難者的死亡牆



四週圍滿密麻麻的電網

(番外編): 那管龍床狗竇，都係瞓醒就走

波蘭的第一站住宿，便是每人百多元床位的Aston Hostel, 電熱水爐主理的公共衛浴，熱水真係手快有手慢無。內子好不幸就中左招，比上手肥佬沖晒，半路唯有凍水頂硬上，幸好沒有著涼。






波蘭第二站Zakopane的小酒店，可遠眺雪山，頂層兩房盡歸我們四人，仲有免費早餐每人都係四舊多D, 低得佢！








由波蘭到匈牙利選擇夜車前往，既慳時間又慳一晚住宿，不過臥鋪非常擠迫，一房六床每邊三張，除了我們四人再加兩名韓國人，放好行李已無位企，唯有長屈係上格床腰都伸吾直，好彩火車搖搖下都幾好瞓，十個鐘都好快過。





匈牙利布達佩斯Marco Polo青年旅舍，Euro20一位，一碌架床加摺床(我們隨後會多一位成員)，離車站成半粒幾鐘，孭住大包細包都幾吃力。好處是提供入銀洗衣機；係時候洗吓D鹹菜，不過無帶洗衣粉，唯有以皂液代替。







匈牙利市郊Eger的四星級Apartment 包早餐，Euro160 四位。其實都吾知四星咗喺邊，不過價錢尚算合理就OK啦。






奧地利維也納青年旅舍，Euro20一位，兩張碌架床加一床褥，窗口打開樓下就係垃圾站，成日有烏蠅飛入嚟！公共衛浴，Wi-Fi上網，包簡單早餐。長年有大量學生團入住，沖涼要快手！







奧地利Salzburg四星小酒店，Euro78雙人房包早餐，算係幾闊落。半夜搵成粒鐘價錢較合理，攰到死，飲佢成壼welcome drink









奧地利Hallstatt 公公婆婆的小屋，Euro20一位，由於近湖的小屋被搶奪一空，唯有深入內陸，不經意發現這美麗民宿，婆婆熱情好客，猶如自己屋企一樣，內裡擺設彷彿將時間停留在70年代，但卻又如斯乾淨企理，包括免費溫馨早餐，非常Sweet。雖然湖景欠奉，但晨光下的山景依然絕美，亳不遜色。






夜深低達捷克布拉格，不是勁貴價酒店便是爆棚旅館，最後時刻找到重慶大廈般的AZ Hostel，兩位Euro19床位，浴室猶如公共泳池一排過，但係勝在我哋住果層無乜人，都係霸晒！






捷克小鎮克林洛夫的小旅館，理境清幽，地方雅緻，雙人房約HK$800亦算合理，成幢三層式小屋只有我們入住，老闆娘都費事理，交低鎖匙便著我們晚上由後門進出，到翌朝check-out都係無人，唯有放底鈔票於房間鎖門離去，留下字條話比佢知條key喺信箱咁囉！






最後係又貴又殘，過千年都無維修過嘅倫敦Hotel Lily，包早餐A，無任食