埋年的老舉

每個年頭天花亂墜般的祝願祈盼；一年走下來，原來無穿無爛已是最大的成就。要學會放下才能拿得更多更穩，得到應有的多出來便要幫幫別人

哀我打工仔5

雖然佢哋最後都會難免一死，之但係能有此代表作，無憾了...
各位公司二打六，你們的努力，上級是會看得見的，別放棄啊！

聖誕屍篇

今年看了超大量喪屍片，由68年喪屍之父George A. Romero的Night of the living dead打後三十年大大小小的數十套，由拖著慢腳步到極速狂奔，由細菌到生化感染到唔知點解，由拳頭刀仔電鋸到機關槍，由低成本到大製作到惡搞到致敬...不亦樂乎的差不多365日，就連今日聖誕節都不能錯過！一於整套挪威小本製作，講述二戰德軍喪屍的Dead Snow過過癮！白雪皚皚加點鮮紅色彩...應景啊！

哀我打工仔4

今晚平安夜，仲未收得工老細係咪撞咗邪！



咦！呢位客人鬼鬼祟係咪偷咗啲咩呢？



快啲攞個袋嚟check吓咪以為我好惹！



哎呀！拉親條腰今晚點同啲女搞嘢...

樹悟

混凝土已覆蓋大部份樹根，哪來的鬼主意還要舖上石屎紅毛泥一浸？樹木們縱使受人類咄咄相逼，仍無私地為我們擋雨遮風，關愛痛惜它們的人，亦包容無視它們的瘟神。城市的樹木雖只有被動的生存空間，但亦頑強地茁壯長成，似乎要身教活在當下的眾生：改變不了環境，唯有改變心情。

長Xmas尾

換了聖誕新Look的長尾幹嗎瑟縮一角？快快出來同大家說聲聖誕快樂！

一語成讖

如果按照中文規範直寫右至左閱讀，這段文案真的說中了從事廣告業的工友心聲...

賀禮

家裡多了部彩電，期望它瘦身後由顯像管變成LCD...

微塵

是又過一年抑或又多活一年還是又短一年命...不打緊，只有狂妄自大的人類才會如此看重自身的存在價值。與杉天古樹千年巨龜相比，大家算得上是個屁，更遑論以億為單位的地球；所以沒事找碴小事化大無病呻吟自怨自艾的傢伙們...慳啲啦！

娘家騮

娘：孩子記緊，做香港馬騮的路並不好走更不易混，除了居住地被人類不斷侵吞，下令禁飼更讓我們同族間出現很多糾紛，搵食艱難又要受人追打挑釁，猴腦有價自由行都要分一杯羹，屏風樓越起越高更加無覺好瞓...你成長路上真要好好打醒精神！
囝：娘，乜你打油詩咁似版主條白痴？既然咁艱辛又為乜生我出嚟胡混，係咪因為貪過癮打咗個冷震？
娘：你咪埋我嗰晚開唔開心震咗幾震，有挑戰有挫折先係充實嘅人生，跌底爬起先會越行越隱陣，最緊要咪成日喺度怨天尤人...

未打先輸

舊時鎮舖金漆招牌經典凸字，難敵見步行步的速食主義。月月加租今日唔知聽日事，搵埋唔夠出糧唯有樣樣慳啲；膠片招牌之外原來可以再衰啲，九流低成本噴畫易拉架更加了無誠意，求求其其做事越見反智，做生意有心無心一睇就知。
全世界最核突嘅路牌設計非本特區莫屬！以前剩低嘅懷舊路牌仲可以偷生到幾時...