一乾二淨

復活節長假裡的星期六、日，到了九展的玩具日擺檔。與其說是擺檔，不如說是幫人看檔更貼切。期實近一兩年真係賣到無乜好賣，不過為襯下熱鬧，同埋要幫D老死手，係屋企刮沙咁刮又湊夠兩袋紅白藍再夾埋Brother D模型，同事們D寄存...星期六一大清早又再向九龍灣出發！
今次地方比往年細左，燈光又暗左，節目又少左，不過好肯定主辦單位實賺多左。我地帶去D貨一個早上下來又去得吾錯，真奇怪上年明明坐晒艇，今次又有人掃，吾通經濟真係轉好？連講價都吾算多，除左D泰國買家同你死鍊之外，都算係咁。攪到第日又要係屋企挖埋D餸頭餸尾去賣......呢鑊真係乾塘啦，下次再玩就真係要走轉日本入定貨先掂！