27號是內子的生日，和上年一樣去試下同事J介紹的法國菜，甫坐下便迫你飲支貴水，預左既，豪比佢！頭盤當然揀煎鵝肝，味道很好，但配菜是桃，味太搶，伴著吃時蓋過了鵝肝留在口中的香味，扣分！湯是雜菌或大蝦蕃茄湯，我們都選了後者，邊有咁笨飲埋D茶餐廳例湯......哈！果然無揀錯，原隻大蝦稍經烹調，很惹味，湯亦鮮味可口。主菜內子選了羊排，我點了日本黑豚排，亦都達到水準。甜品是芒果拿破崙及蘋果巻.......E...咪住！點解去食法國菜我會叫左日本野架？哎吔！早知去食板前算啦......
訂閱：
發佈留言 (Atom)
文章
11 則留言:
好正wor!!! hoho~~
你就好啦!! 生日食法國菜
算你啦, 咁錫個老婆! :P
大家吾使羡慕，Delifrance 梗有一間係左近！
呢間法國野我都食過 (8月尾左右)
果時既鵝肝住跟蘋果喎
最好味係芒果拿破崙
下次帶枝酒去喇, 唔收開瓶費
抵返枝水$ ^.^
芒果拿破崙真係吾錯，佢唔收開瓶費都係咁話，一個人飲吾得幾多，鑊腥娜都吾係好飲得...
遲來的祝賀:
身體健康呀弟婦
鑊腥娜鐘意飲ice wine, 有冇買呀!
喂~ 想問吓你果部咩dc黎架?
想想地買部dc, 不過最好超易用又唔貴, 有冇介紹?!
蟻：多謝晒.....
K: 有買啦梗係，留左支比你地去食飯享用呀！DC買Panasonic FX系列啦！芒靚，機細，28mm廣角(好重要)，防手震，人面對焦，iA系統，拉架靚鏡，全金屬機身...夠用有餘！
多謝晒, 一齊黎食同飲都得喎 ^.^
對P記FX-55/FX-100 好心動 ...
見D廣告講到好好咁 (不過有冇一半係真?!)
"人面對焦" 同 "IA" 真係有用?!
點解FX-100仲舊55少少, D model no 唔順序 (r 頭~ing)
等吓價位回落少少先
你識唔知人攞到平貨呢 :)
吾識人喎！
其實果D整色整水功能都係人有我有，對我作用不大，推介佢原因都係有好多識影相既朋友都話佢吾錯！兼有最有用既28mm同防手震已經好足夠，想平D咪吾好買最新型號 lor...
發佈留言