昨晚收工學完bass同stone心血來潮去左廟街興記食好出名既炭爐煲仔飯，以前來過遇著條見首不見尾既人龍都掉頭走，所以今次係第一次試，都係嗌 D隱隱陣陣既排骨同滑雞，最多加條潤腸。係等出飯期間梗係整碟炒蜆加支大啤！不過碟蜆亳無鑊氣仲凍冰冰，好明顯係整定一大盤慢慢"筆"果隻！啤酒又無燕京哈爾濱，迫住要支吾好飲既嘉仕伯。到主角煲仔飯上場，18蚊煲要求吾高，飯同豉油都無問題，但係就爭D野咁，潤腸吾算好靚又吾係難食，排骨略鞋，雞入得口都叫滑。但係成煲飯硬係寡寡地，咁係出左咩事呢......？啊！咪就係缺少左排骨上既豉椒同雞上面既薑䓤law! 吾好睇少呢班小兄弟，無論要來吊味同加強賣相，佢地都功不可抺！就等如食麵無落䓤花，銀行門口無左阿差一樣......梗係爭少少吾到肺兼吾順眼咁law...
P.S.總結吾去並無蝕底
文章
7 則留言:
有時經過廟街見到咁多大排檔, 好有"獲氣", 真係想試下係咪咁好食! 不過聽你咁講, 都係唔好嗱! 反而我係元朗"正記" (即B仔凉粉附近)食的小炒和煲仔飯就幾掂喎! 得閒可試試! "P
廟街真係吾係好食得過, 以前都話食下風味，而家被政府搞到不倫不類，算吧啦！元朗都試過一次,不過吾知係咪正記,下次留意下！
Ａ～B仔是近元朗廣場那間定近恆香果間呀～
義記都幾味架，由其佢Ｄ鹽焗Yum仔蟹
幾時去？
你入黎咪去嚕～
不如一齊試下正記丫
又得
岩岩去完新松園.旺角吉一野家附近.
佢d豉召排骨同豬潤臘腸都好正.
發佈留言