四十蚊...打個冷震

係浦東落機，梗係要搭下係外國要幾百蚊一野嘅磁浮列車！上海係繼德，日之後第三個擁有磁浮列車嘅地方，33公里路，十分鐘車程極速430km/h, 睇住個車速計去到極速不過維持左分零鐘都無就直線下滑，真係踩一腳油就要收，呢下慢慢加速到達頂峰後即時回落嗰種感覺，在場咁多位男乘客自有心神領會，而女仕們一副還未夠喉失望之情亦已然溢於面上（即係話，比左四十大元，咁快就坐完吾係咁抵咁啫）...
查實呢條磁浮咁極速，用途實情係要來穿州過省，要來行區區嗰三份一毅行者就如用導彈射螞蟻。但係喺一個咁鐘意充大頭愛面子嘅國家，比幾十億D幹部攞下彩，為上海崢嶸，為黨滔光，為國家貼金，為人民帶來快感係一件要優先處理嘅事情，理得你有幾多細路無書讀，幾多低下階層無飯局，幾多農民無食肉...吖！