原來真係有人將天山雪蓮插係牛糞上...

期盼越大，失望必然越大，相隔9年，唐朝樂隊20年內第三張大碟"浪漫騎士"已於國內上市，在網上流傳的超核突低智小學生作品般的CD封面，如惡夢成真的出現於大家眼前！！！個個粉絲真係O晒嘴....售價屬鑑聽級的100元人仔(國內CD一般都係30-50蚊內)，效果出來竟有雜音！上一隻"演義"CD壓盤功藝奇差，連樂隊亦開聲表達不滿。今次唱片公司玩隆重其事精雕細琢力瑧完美，但終極馬虎效果終招來各方聲討，連精裝版附送的贈品亦被彈到一文不值，粗製濫造.....
在音樂構成，編曲製作，錄音監控等樂隊可控制的前期工序，我絕對相信唐朝是一絲不苟，對得住樂迷，交足功課有餘的，耐何急功近利，目光淺窄的發行商一次又一次糟蹋國內百年難得一遇曠世組合。我哋呢D餓咗咁耐嘅死忠，邊鬧邊痛心之餘又不能不乖乖奉上血汗錢認購，望就望滾石可以買咗個港台發行權，重新執執隻碟先出街，吾使焗買大陸版啦......
封面太無厘頭，係度出番張合照算啦...