肉酸峰

每次喺youtube番看無記嘅"勇闖玉珠峰"都覺得班友肉麻嘔心又造作...係！我知高山反應係好難受，我都知你哋班大帝係比陳總迫嘅情非得已。我都知D懶勵志說話同辛苦到露晒骨嘅表情係為咗加強戲味嚟掩飾日日等行山其實好無聊...我都知你哋收咗贊助唔企出嚟晒下D裝備交唔到差...呢D咁唔負責任嘅批評，喺一個月前响我心中仲係成立嘅，之不過到咗今個星期尾，當我企係响5000m玉珠峰基地營眺望6178m嘅峰頂時，我諗我會比佢哋更肉麻嘔心同造作，辛苦嘅表情何止露晒骨，直情反晒出嚟比大家欣賞添呀！