哀我打工仔

其實佢真係好眼瞓...



不過見有人行近...




就要屹番起身強打精神...招呼客人

大家食

酒後駕駛害人害物，酒後就算聽從政府呼籲搭的士，都依然要害人害物！呢啲咪正宗狗改不了吃屎，仆慣街唔識行路...囉！望就望今次咪見佢係洋鬼子就係咁倚判佢坐幾碌算數；縱然香港啲執法審判機關多數都係欺善怕惡兼鐘意仆喺條街度執屎食...

面子工程

繼潮風公園1:1高達後，神戶亦不甘後人，拿拿臨打造番個國寶級機械人：鐵人28!
第時全國省市城鎮都有機械人代表參與一年一度機械人大戰嘅可能！

......好彩我哋都有華懋廣場嘅原大小甜甜壓吓場~










http://www.kobe-tetsujin.com/index.html

他的眼光...

據聞元朗某報紙檔窩居咗條蛇貓，非常摩訶不思議，遂派出調查員深入訪查一吓！
見到啦！佢下半身藏咗喺山洞入面喎！


等咗一個上午，終於現身，真係無咗對腳噃！傳說中嘅蛇貓，比佢對眼望到會唔會變石頭呢究竟？


哎吔吔......吔！！𡃇！比佢望到添...


咪埋嚟呀！......e..ee..?


唓...... 黐線！

邊境遊

今日身痕走去踩單車，由大埔到鹿頸加參觀鹿頸村食午飯來回四個多小時，目的其實係同事要去新疆單車之旅作拉練。原本只為輕輕鬆鬆幾粒鐘變咗烈日乾煎爬斜坡...下次都係去吐露港𥄫吓女好過！
鹿頸村的鋼牙？！




全村剩下不到幾戶人家


這麼好的景緻遲早會被貪婪的發展商摧毀


永利...麻雀館？


笑咩啫！

溫總無詐形

怪獸們最鐘意侵佔有油水嘅地方，就如銀行金舖專招惹賊人，富婆招惹神棍一樣；日本被形形式式嘅妖魔鬼怪打搞咗幾十年，令到經濟一厥不振，失業率持續高企，個個無啖好食，連怪獸們都無乜心機，打起交嚟都無咁落力。好彩終於有個大國崛起，有得轉移陣地！
金甲戰士：好明顯係M78星雲裡面條唐人街嘅戰將！超人ACE嘅好兄弟，超人A...貸


鎧甲勇士：五條MK棒棒堂變身，設定算係唔失禮因為有日本東映幫手嘛，同福娃一樣以動物為原設，淨係打怪獸有啲浪費，不如打埋貪官啦橫掂都係咯



五龍奇劍士：中日合作，用神話做設定，女角徐正希...呵~呵~同㗎妹比無輸蝕啊！




變身戰士阿龍：同日本一間蚊型公司合作，個樣真係...似咩？唔係古迦，而係大人細路都鐘意嘅孫悟空囉，號稱第一部國產特撮，梗係要正經啲啦！


深水埗有佢哋啲玩具賣好耐啦！
上youtube有得睇，自己搜尋一吓

同路不同途

開快啲走多一程的不是司機，而是漫步閒逛卻匆匆走過一生的途人；
開快啲走多轉的也不是司機，而是轉世來不久又要轉世去的年輕人；
開快啲趕收工的更不是司機，而是剛下班但沒有機會再開工的市民...
不願接受揸十四(六)座就是因為真真折墮，但可否行過好心顧己及人不要老是闖禍。

Open Chan

台灣"些份"的人氣代言人：Open將！誓要決戰冬甩獅kawaii王者地位，喺商品換購戰場上一決高低...
後起之秀要跑贏東瀛老大哥真係幾難，但係佢嘅粉絲群正與日俱增就真係事實，冬甩獅都係咪咁老定好啲...
網站好多嘢睇的說：http://www.openopen.com.tw/index.asp

熱情的冷鋼

8月2號前如果去到日本就咪錯過東京都現代美術館嘅GIANT TORAYAN at MOT! 7米多高咁大個機械人GIANT TORAYAN，由藝術家Kenji Yanobe 主埋，曾於六本木表演噴火唱歌跳舞，能聽懂小孩的預設指令作出簡單回應。GIANT TORAYAN 原先只是Yanobe San造給兒子玩玩的小機械人，搞搞吓就變咗咁大壇嘢，好明顯係佢自己想玩多過比個仔...




與GIANT TORAYAN一起伴舞的小伙伴

東京都現代美術館
http://www.mot-art-museum.jp/eng/news090408.html

Kenji Yanobe的官網：
http://www.yanobe.com/

最毒刁民心

於孤島默默為年青人投入戒毒服務及提供教學機會的正生書院因校址不孚應用，計劃遷往梅窩的廢置中學延續其教學理念。遺憾的是一班民智未開的村民將如此高尚情操與堆填區焚化爐精神病院同等看待，藉詞會影響區內治安家人平安迷幻派對實會四圍開云云...喊打喊殺青筋暴現口沬橫飛七情上面，比打針更情緒高昂，比食藥更失心慌，彷有不共戴天之仇，未行入梅窩都"頒"定你走。
家陣三五七日就話有學生吸毒濫藥，全港學校風聲鶴唳打草蛇驚，又唔見街坊們撲出嚟聲討封學殺校趕盡殺絕？放任日日開餐毒校不聞不問，卻對立志向上重新做人無毒書院天天叫陣！說什麼公義講乜嘢平等關懷與重生，閣下處於弱勢就咩都無你份...

又咸又甜

沖繩是一個度假的好地方，擁有優質陽光與海灘之餘又具備港客最愛的日式美食及購物樂趣；此乃朋友仔剛於沖繩回來的手信：人面糖與沐浴鹽。朋友仔去得不是時候，因天氣關係只游了一日水，雖然有點可惜，不過見她們的豐厚戰利品，足以撫平一切不如意...

KARMA

雖有云禍不及妻兒，但係我都忍唔住想問：李個仔有無屎忽㗎？

自省

呼天嗆地遇上充耳不聞，一片丹心卻錯向只照溝渠的冷月；
話到嘴邊卻開不了口，只因軀體已倒下失去知覺；
好端端活著的卻愛說鬼話，枯萎了良心的身軀已被利益支配著；
要將真相掛在嘴邊記在腦裡放在心上，縱使沒有了軀殼後，靈魂氣魄精神亦得以長存。

星火

父親喜愛集郵，我們三兄弟就愛到處收集火柴盒，那年頭最廉宜的宣傳技倆，卻是我們兄弟間最大的期盼；幾條塞豆窿和父母逛街時總愛鑽進有火柴盒贈送的食肆或機構，伸手拿取只適合十八歲的贈品。到親戚朋友家作客時更不會放過搜索的機會，迫令屋主就地繳械。
這種嗜好隨年月漸長物質較豐裕時，不用打火機來淘汰，很自然地由每天拿著比畫鑑賞到長眠於模型盒裡，模型盒又長置天花的吊櫃內，它們也只有長埋於我們的記憶之中。
最近大哥將火柴盒出土拍照，小時候的片段又被它們擦亮。