2009年8月22日

幫得手喎~

記得公司曾經做過一次調查會議,內容都係隨意探討一下家陣市民的生活習慣,其中一個議題是大家生活得環唔環保之類,在場機乎所有同事都套上了光環,當然沒有期望大家是盧冠廷周兆祥,但也人人說得大體,又下一代又溫室效應,點都會盡一點綿力!若果戈爾在場,肯定會讚賞表揚頒個奬!我就冷笑一下隨便亂嗡將問題輕輕帶過,因為以我這個無聊人所觀察...
1.明明各部門都有廢紙回收筒,但廢紙依然恰如其份地躺在廢紙箱;
2.加班鬼殺咁嘈要book番幾粒鐘冷氣,其實想涼啲最好就係慳番啖氣;
3.人收工電腦依然長開工,年尾真係要比部電腦多啲花紅;
4.食飯開會見客枱燈收音機依然要為主人緊守崗位,不得半點鬆懈但係唔知點解;
5.廁所抺手紙每次狂扯三四張,抺埋身都得何況只係閣下隻手濕;
6.各大小會議室見燈就盡開,散會時大家就唔熄燈盡快離開;
7.買外賣膠刀叉匙袋盒同膠盒袋匙叉刀,多到唔知點數;
其實仲有仲有,不過再講落去我會好內疚。

如果我同大家平時嘅所作所為是略盡綿力的話,綿裡的那顆針確係拮得地球先生幾辛苦...

7 則留言:

菲利大王 說...

哈哈~~政府部門仲勁呀!!

pAndAmAniA 說...

政府呢個毒瘤都預咗無救

匿名 說...

點解我唔記得有個咁樣的調查?現實d講句,唔嘥野個世界邊有進步喎(包括嘥d小動物來做藥同化粧品的實驗)?有d人唔使點做,咪唔嘥囉(除咗嘥公司d人工)! 而我地只可以繼續嘥氣,嘥心機同嘥時間!

pAndAmAniA 說...

我呢個題目好明顯係串大家講一套做一套,其實成件事同環保無關...hahaha!!

PS:個調查分組做,唔知你有無份...

匿名 說...

我亦只係想話大家開工時講就一大套,但係做就做半套.
個調查如果無靚女,又無著數,一般嚟講都應該有我份....

ee 說...

我都唔記得有個咁樣的調查喎?

pAndAmAniA 說...

唔好意思,個調查好似係有年齡上限,所以你哋......