2009年9月5日

我要睇番周秀娜...

一向對政府啲賤價招標廣告無乜其望,但係近排有幾個不約而同地令人有O咀後久久不能復原嘅本領!呢幾件雜作嘅風格睇得出有八九成係同一間弱智廣告公司,第一件係叫人掉垃圾都要起勢跳老舞嘅"全城動投入清潔運動";見到你地班膠友,我直情想掉部雪柜落樓!第二件咪就係"戒煙我撐你";想靜靜哋食支煙都會突然有成班街坊彈晒出嚟,勸閣下回頭是岸又嚟載歌載舞,真係臨戒煙前嗰最後一啖就留番嚟辣你班契弟!第三件係十足宗教宣傳片嘅"家~給你力量";竟然比"左鄰右里唔使客氣"更驚為天人,真係响家裡睇完一定充滿㧜爆電視嘅力量!而最後一件就係近排播完晚間新聞就嚟一鑊嘅"辦法總比困難多";又嚟一班騎呢蘇大合唱,比胃仙U與你一起奮鬥更慷概激昂...

真係垃圾總比傑作多

5 則留言:

匿名 說...

我呢d屋村長大的草根就覺得好啱睇,好震撼嘞.我感動到想出街丟垃圾同想再食返煙再戒過睇下有幾多街坊會出嚟撐我.

pAndAmAniA 說...

啲街坊只會用腳撐開你

Helldiver6 說...

試過加埋檸檬茶果條,四條接住rap幾壯觀呀~

pAndAmAniA 說...

檸檬茶嗰條真係枉為一個大brand...

菲利大王 說...

新果個方法總比煩惱多仲震撼呀!!!