不爭朝夕

週日同一時段，兩間無料電視台都爭住請家庭觀眾食好嘢；霸道台銀強馬壯週遊列國帶大家食盡鮑參翅肚飲遍靚酒佳釀，弱雞台揸頸就命帶大家遠赴國內上山下鄉挖蚯蚓捉龍虱照田雞摘山草藥嚐盡騎呢怪湯水。一邊廂靚女們顧不得儀容爭嚐人間美味，那邊廂女藝員無耐強裝笑容淺嚐地道益膳。常言道要吃得苦中苦，但當處於一個逐名利愛獻媚的環境下社會中人事上，做人做同事做朋友做人世最怕但又最愛相互比較...只看今朝好彩數懶理明天一團糟。在急激快速功利主義裡，那還容得下韓信啞忍跨下之辱，轉身就要即時嚟個大報復。猛火快炒滾油炸，當然香口惹味卻熱氣無比；山珍海錯香氣撲鼻，膽固醇卻高得離奇。廉價藥膳慢煮慢炖味寡薄倖，不過先至係最滋陰補腎，打好個底先可方為人上人。