左鄰右里唔使客氣

經歴過小悅悅被輾壓及冷眼十八人事件後，被評為最冷血省份廣州之最冷血城市佛山頓成為舉國圍插抽水之地，全國萬眾一心慶幸有人衰過自己仲衰到貼地！實行99步恥笑100步，今日唔攞彩第日輪到自家無咁好彩......早兩日又上廣州走一轉，發現事件尚未塵埃落定就急急搞定亮麗工程；兩日來大小新聞電視台都報道邊度邊度有人暈低被人打心藏病發仆親吓，都會有大批民眾街坊熱愛人民的公安，均爭相上前大表慰問伸手助人處處關心個個施恩莫望報，熱情好客正義澟澟全城都係好市民。真係突然想試下著住錦衣嚟個夜行，有幸能夠全身而退就要劏雞兼還神！