雪福岡

今年公司旅行，由兩年前的東京到大阪而家直殺落福岡，是為避過核擴散還是無地方好玩？不過得嗰三兩日時間其實又無乜得揀。適逢百年大降雪，九洲有幸（定係人家不幸）下著難得一見的大雪；當然所謂大雪的定義只是我們這些少見雪的鄉下仔來界定，但已足夠讓我們樂透。所到之處也份外美麗，可惜的是今次帶小病上陣帶大病回朝，食足成個禮拜藥都未止到咳，菲林一筒都影唔到兼且無乜斬獲，又無嘆到咩新奇美食，不過最緊要同啲好同事玩得開心，所以每年都好期待呢個旅行。