2012年5月8日

Nude nuns with big guns

早前上影嘅機槍教父(Machine gun preacher),以暴易暴的真人真事雖則大快人心但卻又令人萬般無奈;不如暫且抽離殘酷嘅現實,觀摩一吓雷霆修女(Nude nuns with big guns)支槍有幾大支...嘢。開宗明義全B片格局嘅Nude nuns with big guns,梗係唔少得大家都愛嘅暴力與色情。今次仲要响天父面前玩埋"女同"呢個大不違,一於置宗教於道外,道得規條於千里。於墨西哥的九反之地,教會上下都是一宗宗的買賣,上至樞機、神父下至修女長,包娼庇賭制毒販毒一條龍,勾結黑勢力有錢齊齊搵有飯齊齊食,更對叛徒毫不留情...莎拉修女等人就係被逼於教會工場制毒(唔知點解開工時唔比著衫,可能驚有人會落格?)嘅一班最低下層修女,不過响一次交收時被發現穿櫃桶底而遭賣落妓寨打毒針,不過又好彩得有心人所救,瞓醒仲話受天父指引要制裁罪惡,於是莎拉就手執兩支大口徑密林兼多款精良武器,身穿潔淨純白的修女袍,反轉教庭與惡勢力,為清洗世人身上的罪孽而沾滿一手血腥。

2 則留言:

yum 說...

香港就係少咗呢類電影, 不如你盡地一鋪開拍番部可能大收特收出名過除一刀!!

pAndAmAniA 說...

得到你賣咗層樓嘅資金,我一定開拍番部廁哥擔正嘅慰藉總司令