其實K2寫到咁上下都唔知仲有咩好寫，尾2嗰日最多都係膽粗粗自己搵車去咗大半日白沙瓦(Peshawar)。由於發生之前的槍殺事件，問親旅館啲人點去都耍手擰頭，最好你乖乖留多兩日上機拜拜無手尾...白沙瓦是接壤阿富汗的西北邊境城市，是一個龐大的走私市場，更是塔利班根據地。如果搵到當地人帶路(網上都是找一個叫Prince的Tour guide)，一定會好玩過行山。但係响無預計無預約下都即興自己試下搭車去睇睇，為安全計最多只係响大街度逛逛，好過坐响旅館R腳趾...
騙人的的士司機說帶我到公車站坐大巴，原來只係與旅館相隔一條街的私營小巴站，要收我200rp，最後只給他100rp加兩句粗口送佢走。原本諗住坐大巴家吓變小巴，600rp一位好處係舒適快捷唔使迫，貴一點也罷。
11am發車預計兩小時到達，在車上結識了一位於Islamabad買貨的商人Khan，他到首都搜尋英治時留下的小擺設，見他逐樣貨品拿出來介紹一番娓娓道出來歷，睇得出此行的收穫十分豐富滿意；雖然近年很多廉價大陸貨湧入改善了巴人的生活，但Khan對強國貨十分不屑，果真是一位有見地識搵真銀的商人。
隨了大部分時間談論他的收穫外，也提議我到Islamia College Peshawar--白沙瓦伊斯蘭學院參觀一下。反正沒啥頭緒，又比較安全，下車便到一街之隔的這所百年學府逛逛。
兩小時後到達白沙瓦的車站，比起公車站這裡非常的冷清
過了天橋便到達Islamia College Peshawar 
始建於1917年的Islamia College Peshawar，現在附屬於白沙瓦大學
更是1000rp上的記認
熱情的學生們
出街外走走，又是爭相拍照的時間
街道空曠得很
與TATA不遑多讓的公車
買了隻雞脾充饑，下次有機會準備充足一定要深度遊一下
文章
沒有留言:
發佈留言