高溫魚旦

深水步耀東街碩果僅存的鐵皮大牌檔除了小菜皇強記及豬排丁茶檔外，長發麵家的原汁牛腩同自製魚旦亦不可錯過！鹵得黑漆漆的根腩入味非常，又滑又稔。魚旦墨丸爽口彈牙，絕非一般街邊貨色。加上只有在舊式麵檔才有得吃的韮菜花...就算食到底衭濕埋兼且比把牛角扇吹到癲晒都係無計！最多過對面茶檔整番杯凍奶茶就成個人都醒晒啦！