松鼠從來四圍竄

對於係香港見慣隨街貓貓狗狗既我地，去到加拿大換成一地都係既松鼠，實在有點莫明驚喜。直情好似D架妹擘大對眼鼓起個腮當街大叫Kawaii!!!!!!!!不過要影佢地真係辛苦兼勁要有耐性。由其是用手動叠影對焦，真係呢頭對完果頭走左老遠！唯有果仁餅乾麵包碎盡出，好讓阿鼠多停留一時三刻。如是者，無論大街公園小草地，每日都會追逐著牠們的踨影，對當地人奇怪的眼光只好報以傻笑......如果有日係街見到有鬼佬追住Ｄ香港特產﹣MK糞青影一餐的時候，大家不用大驚小怪，最多鬼佬被人打時幫手報警好了。