地球先生無病，有病嘅應該係大家...

返工時免費報紙有幾多攞幾多，外賣飯盒膠刀叉匙有殺錯無放過；
公司會議室用完離開時永無熄燈；係行最後嗰個無手尾定係個個都闊佬懶理；
枱燈收音機低耗電量產品更加無人過問，下下開著就行人；
日頭hea, 晚上無止境開夜；又或開兩粒鐘OT要Book夠四個鐘冷氣，係咪對公司有報復心理，不過地球先生並無得罪你；
但係最凍嘅冷氣，卻換來最大嘅傷風同感冒；
用紙無節制，Briefing 一大叠無無謂；吾係叫你一定要雙面印製，不過一張紙吾係淨係print一個logo仔；
未返到公司部電腦就自動開著等你，但係收工又吾會自動熄機，擺埋D係人都吾信嘅空城計，係咪D同事心虛有鬼；
無人要求閣下完全環保，就算盧冠廷都做吾到，只求一人行半步...呢個世界已經好好。


有一千個借口但求就手，偏偏找不到行動的半點理由。