和仔搭吾切船返屋企

我諗喺全世界咁多個島嶼，城市之中，香港人係最鐘意打風嘅一群，當其他人民對颱風的到來惶惶不能度日，求神拜佛颱風大人有咁遠死咁遠嘅時候，香港人就望天打掛求阿颱風伯伯得閒就嚟坐下啦，過埋夜第日都吾使咁早走㗎，仲要記住下次一定要嚟吹水飲茶...
香港的亞熱帶氣候，常有颱風路過是等閒事，不論由上路台灣吹來的或是由下路菲律賓迫近的。所以發一號風球已是一件令人麻木的事情，就好似去街市買餸，檔主為求賺你果一個幾毫而嗌聲閣下靚仔靚女一樣，你吾係當真呀？！
到一號風掛得咁上下都未落兼轉為三號時，悲觀感超強，絕望慣的港人，個個口都會話"吾會嘅", "就算係都今晚掛聽朝落啦"之類嘅晦氣話； 但個心就不知幾想打到嚟，加上呢個時候就梗有D同事D親戚朋友喺天文台度做云云...消息滿天飛，最好今晚book定唱K...
等到八號掛得成，夜掛又驚早落，早掛又驚起身無著落，早落晏返又驚孭鑊，掛左成日第二朝又要返工又好失落...怪佢吾掛到上十號宵夜直落。
其實港人望打風心態，就好似喺場激烈嘅球賽將雙方拼搶時理該吹罰的狂野動作轉化為合法衝撞一樣，令賽事變得合理流暢又緊張。打得成風吾覺意有日老奉假期，亦都係平日緊迫工作中無形的合法收獲。