有奶不是良

一切為了孩子，為了一切孩子，為了孩子一切的祖國，繼大頭奶粉食到蘇蝦混混"惡惡"無乜知覺後，又整劑結石奶粉搞到阿仔嘰嘰咕咕排尿無符。上次就話冒牌劣質無良兼割價平讓，今次正牌大廠優質管理實力雄厚都食到你嘔。果D啱啱嚟到人世嘅蘇蝦仲未領會點樣富貴由天，就已經體驗到生死有命呢一刧。成日話再窮不能窮教育，再苦不能苦孩子；喺未搞得掂食物安危底下，一係再生不能生細路，一係再餵不能餵奶粉...咁囉。