酷熱天氣警告下的中午，到了深水埗的鐵皮檔長發麵家搵食，平時食開都係馳名魚旦牛腩，今次就試一下更出名的古法秘制豉油皇撈麵，17個大洋一執仔麵相對19蚊有餸麵已算很貴，但係好味又真係無乜計，濃香豉油皇配上必殺豬油，不消一分鐘已將其灌進胃中...真係咁好味？喂！你無睇清楚咩？係豬油喎，家陣追捧著健康廋身低脂排毒高纖少油清淡練精養生滋陰補腎嘅年代，除咗食神韜哥都無乜邊個敢大大聲話擺明要落豬油。而有豬油嘅撈麵，又點會吾香口先？而香口咗嘅豬油加上甜甜嘅豉油皇，又點會吾好食先？而喺個焗爐入面食到汗流浹背底褲都濕晒嘅我哋，區區嗰兩羹豬油，又肥得去邊先？
訂閱：
發佈留言 (Atom)
文章
6 則留言:
豬油咋, 怕乜喎? 你大把quota 啦!
By the way, 中秋節快樂!
quota呢D嘢，話吾埋，可能失驚無神爆血管...
中秋節有假放自然快樂
以前屋企冬天整黃鱔煲仔飯就係落豬油加老抽，
真係正到無朋友，不過洗碗時D豬油瓊到一舊舊...洗死人~~~
而家豬油好似砒霜咁，係禁材...
老北京的豬油粗抄都好好食。
係豬油都正啦！！
發佈留言