2011年6月1日

香格里拉九:蝗禍

24-4-2011 玉龍雪山(白水河/藍月谷)
出發前曾被人勸喻過,若到過梅里就無謂去玉龍...之但係好多時唔親身經歷一吓就總係唔多甘心,反正有的是時間,就去一探虛實還個心願。
九時許到達玉龍景區集散地,其景點分布大致是白水河及藍月谷,雲杉坪與牦牛坪,大索道的登山路段,以及印象~麗江的大型表演等。
我們先選擇了白水河及藍月谷(共105人仔),汽車駛進停車場穩穩已覺不妥,大批穿了出租紅色長身羽絨的蝗蟲密麻麻舖天蓋地聚集,簡直比泰國紅衫軍圍城壯觀,更將人家徹徹底底地比下去:人哋靜坐佢哋叫囂;人哋守秩序佢哋恐後爭先;人哋示威似聯歡,佢哋去玩似打仗。
好不容易迫上了接駁巴士,但卻只是載閣下到第二個停車場,此地原來是要再附每人40人仔的電瓶車站,之前被斬了一頸如今又再補一刀,逐個境點逐個交通工具收費,數埋數埋就是一個民工整個月的工資了。心不甘情不願地附過鈔上了車,隨大隊來到白水河,這個與之前到過的白水台只差一字卻有著天壤之別,除了一概是紅衫羽絨蝗蟲照例地殺聲震天外,更多的是排著隊等坐牛步出河中心攞景,換上民族服搔首弄姿,托著被玩到半死的老鷹一起展翅等,比年宵更熱鬧,比維港煙花更熣燦...要找個好的位罝取景難若登天,唯有坐車到藍月谷看看,但要上車也要經過一番博鬥,與慌死執輸的蝗蟲們講秩序比叫政府復建居屋更艱鉅,就算呢架係開去奧斯威辛嘅專列,我諗唔使德軍驅趕以蝗蟲乜都慌死蝕底的個性都會搶住上車,兼且會一人霸足幾個坐位預留親友享用...
到了藍月谷都係重覆著剛才的盛況,而且細看下發覺整個景點都是堆砌出來,並非天然原有景緻,相信又是為了賺錢而將原有生態摧毀,照著小說打造的一個主題公園而已...加上開始下著雨,又係時候準備戰鬥,因為又要坐車走。與國內所有景點一樣,都是幾年前的出租車師傅一言可以斃之:唔去好後悔,去了更後悔。
能夠無穿無爛離開都算執番身彩,其它甚麼勞什子的玉龍景區真係請都唔願去,都係回朿河休息一吓平伏番滾的血脈舒緩崩緊的神經放鬆緊握的拳頭好過。


玉龍雪山下模仿消失的地平線裡的白水河&藍月谷的景點



恐怖的蝗蟲們嚇煞了牦牛亦苦了牠們


威猛雄鷹落到更威猛的同胞手上亦成了鵪鶉一隻



回旅舍借單車踩,沿路的青稞田;大人們在收割中,小孩自得其樂


被小妹手到拿來的貓貓...威名掃地

沒有留言: