奈良

去得京都就會殺埋入奈良，大熱天時由車站步行去奈良公園就預咗成身濕晒。縱有微風樹蔭亦難阻太陽伯伯的熱情...講開熱情，嚟到奈良邊個夠啲鹿瘋狂。一餅响手就會成為被追趕目標，150yen十塊"ja"一聲就無晒。不過講番句公道說話，佢哋唔搶食嘅時候都幾溫馴吓，你慢慢行埋去都可以比你任摸任影，又唔係啲書咁講到似大殺傷力武器咁嘅...
奈良公園最著名的東大寺係世上最大嘅木構建築，要入去參觀就要放低500yen，而過隔離嘅春日大社都係要附差不多價錢...於奈良公園逛咗個圈回程時可以到達類似遊客中嘅建築物坐吓嘆冷氣，兼且有冷飲免費供應，仲有地震科技簡介，確係一個很好的回氣地方。近車站又係有一條見慣見熟嘅購物街，若不是要選購奈良手信，可遊性確實不高。吃過飯返京都仲有半日可以玩。

很宏偉的東大寺，應該比金閣寺抵睇



春日大社


於大社內的鹿仔占卜





鹿姿


鹿餅食落淡淡哋，旺旺仙貝好味啲