又到咗無端端被人約定嘅6-11區選日，以前合埋眼唔使諗就會投咗比白鴿黨，但係自從白鴿投共後已是一隻北行鳥；之後見社民連咁有型就梗係要撐吓佢哋，但係內部爭鬥又成了扶不起的痾豆；禮儀廉啲蛇宴荔枝團派雞送米全部都無我份呢一票就可以慳番！只維護商界自由嘅豉油黨因為敝區窮人多所以好少响本區搞事，叫佢選都費事。至於新加入戰圍嘅人民力量抗爭味濃草根十足又幾合本人河車...之但係泛民越拆越細越選越散最後都係益晒禮儀廉班老鼠。以前落票站滿腔熱血一往直前如今就舉棋不定扭扭擰擰...白票一張係咪就最合乎理想？真係唔忍心見到選舉就係咁樣！
文章
沒有留言:
發佈留言