Tucker & Dale VS Evil

生得樣衰唔係罪，之不過遇上一班自以為是嘅大學生就會無辜受罪... 兩個不修篇幅但心地善良嘅中年漢Tucker & Dale帶整架生，去到偏遠荒郊一心為新置的湖邊小屋來個大翻身，路上卻撞正三男三女大學生驅車露營去。大學生們已先入為主認定兩人面目猙獰絕非善類嚇得無鞋挽屐走。偏偏兩條茂利晚上釣魚時陰差陽錯救起溺水大學生美媚後被人以為玩拐帶，同伙們便實行起冒失的拯救行動卻導致傷亡慘重。一邊廂以為撞著變態殺手會來個深山大屠殺，另一邊Tucker & Dale又以為遇上自殺集團衝著他們而來一鑊熟...誤會越鬧越大人越死越多，究竟最後點收科?