麵膳

通常不用上班又早起的週末，都會磨番杯咖啡煮個即食麵做早餐；而為免食到口寡寡，即食麵間中都會轉吓款，穩膽嘅出前一丁麻油味，公仔麵原味冬菜及香辣味都是常客，但不知何解公仔香辣麵近年比較難入手，屋企附近已很少見其芳蹤。回想第一次朋友推介這款其貌不揚的麵食，真有驚為天人的感覺，到現在也是吃不膩的款式。辛辣麵偶爾吃一下也不錯，但也不致於是熱愛品種。早前推出引起搶購潮的出前一丁黑蒜油味確是有點驚喜，但多吃幾次便很快有滯滯哋的感覺，反而其比較低調的紫菜豬骨湯味還能引起一點食慾。間中亦會買一些價位較高的日本泊來品一嘗，以舒緩一吓麻木的味蕾。自小到大也很怕吃著那些餐廳特供麵，什麼頂好大光力康真是味如嚼臘敬而遠之，眾多麵食五花百門的調味包最怕是雞蓉味；營多撈麵間唔中一餐確係盞，一大堆味精任落食到喉乾頸喝，多吃真係有死亡嘅感覺，當然最想死嘅就係開佢嗰幾包嘢搞到一手都係嗰種難堪...最後當然係由細食到大揸碎食煮熟食都咁可口嘅統一福字麵，耐不耐就要品嚐一吓以解相思，勾起唔少童年回憶與渡輪情懷。