萬千悲淒

毛線針織廠每年也來搞個最佳員工獎鼓勵/分化一下社員，年年照例地扮得彷似競爭激烈不過所有在職人員也明白其遊戲規則，聽聽話話的例必有豬肉一份，若屬天子嫡系門生就照舊行番個年尾運。廠內員工有心無心也要扮一吓認真，難得街外人無厘頭也為之肉緊。明明圍內圍威喂，明明賽果唔到你控制，但係人人都好似睇緊This AV咁最後唔出到嘢都唔肯離開坐位。一間大機構公然打飛機比大家睇都成為全城話題，是生活太無聊定生存太無謂；若果將閣下對人哋家事嘅一成精神力放諸真正要關心的人事物上，社會未必會好很多，但起碼不至淪落太過。