經過兩晚的冰火之夜後，卒之搞出個喉部感染來(之後伴隨著整個行程就是無間斷咳嗽)...今次真係唔take嘢就衰硬！隨咗服特效藥外，昨晚索性唔開冷氣，雖然換來的是一室悶熱空氣，總好過每兩小時的冰火煎熬。
今早起來吃過早飯後，旅館老闆建議我們搜購一些食物，唔使上到山口寡寡。遂驅車到隔幾條街的洋房，原來內裡是一個中個人開的超市，售賣著全是強國日用品及副食品。同非法賭場一樣响外面真看不出個所以然，但為免負重增加也不敢添置太多，只草草買了幾個杯麵滷雞蛋等較輕便的。
下午因為太熱，多數也是躲在旅館，上著因停電而斷斷續續的wi-fi，但多天來終按奈不住要冒著四十多度的高溫外出閒逛。太陽刺得連眼睛也睜不大，走兩步已混身濕透，行咗半個小時到達伊斯坦蘭堡地標之一的伊斯蘭飛沙寺。由於唔清楚人家規矩，所以都係响外圍走一轉，免得貿貿然進入引起不必要麻煩...但係咁唔代表你會悠悠閒閒，因為好多好奇嘅巴國人會邀請閣下合照甚至係偷拍，真係好似明星出遊一樣，响一片全球排蝗熱當中唯獨巴國人民才是我國的唯一真正朋友！
回旅館吃過lunch後呆等探險公司的要員來商討行程，這一等要等到五時多，Syed才出現，並告知Gondogorola埡口被軍方接管不許通過，這即是意味著走到K2 Base Camp後要走回頭路而不能翻埡口前進！除咗呢個壞消息外，原先同我哋一齊出發嘅十位老外因簽證問題全部不能成行，所以費用要羊毛出在羊牯上，因而揭起一個漫長的討價拉鋸戰。
文章
沒有留言:
發佈留言