星期日跟Brother們到西貢大網仔附近俗稱蜘蛛石的崖邊Rock Climbing, 這裡地勢較高及頗為偏僻，就算有車到山腳亦要行半小時多的山路才能開始set野攀登。但因為風景異常開揚，能遠眺西貢附近海域，就算各人帶著架生行到死死下都十分值得！各師兄師姐們共開了四條線予我們享用，難度雖不致超高但亦夠我們好受！加上當天氣溫超高，雲都無舊，大家都低估了太陽伯伯的力量，眾人都晒得皮開肉列。喉乾頸渴，便於三時多鳴金收兵，直奔大網仔士多嘆番杯凍檸樂，成個人先cool down 晒！回程時收到消息提到有兩位輔警於野外訓練時不支中暑，心想我們都十分慶幸，希望他們能早日康復為市民服務吧！
文章
5 則留言:
咁有無在半空拍到些相片呢？
無......手
嘩!你好犀利啊! 成個 Rambo 咁! 睇唔出你咁好動和咁有膽色喎! 真的十分佩服你啊!
Ram乜鬼bo...成條咸魚咁吊係度吾上吾落果時你睇吾到姐...
多得細佬好介紹，有興趣一齊玩下啦！
嘩,多謝哂你的邀請! 比我後生十年都有興趣玩下, 宜家玩心臟病實發作啊! 哈! 哈! 哈!
發佈留言