尋找隱世醫術

早前將家中大部份菲林拿去scan file，所以這個blog便多了"舊日足跡"這個環節。繼尼泊爾之旅後今次帶大家瞬間看北京...其實北京很多街坊也去過，在這裡只是看看圖片說說故事，免得將大家悶出鳥來！
內子一向容易拗柴，去旅行當然吾例外，不過今劑就勁左D, 係一條漆黑的行人隧道樓梯“領“左野，腳腕腫脹疼痛，要用十蚊買支拐杖先撐得住！但係去完天壇後卒之頂吾順，又剛巧在街上有位跑江湖的跌打師父擺檔，等佢同位師奶斷完症後便將夫人摃上佢架流動診症三輪車仔床檢驗，見佢幾下手勢加內子幾下白眼便將一隻腫蹄搓細，看得我們嘖嘖稱奇，收你拾蚊快過打針，翌日仲可以去長城玩添！