暴風漢子

颱風逼近，照例預早一日又有班貨櫃碼頭機場人員政府高層天文台家屬第一時間撲出嚟吾覺意漏出內部絕密消息！詳細分析表列說明言之鑿鑿聽日好大鑊！早已習慣狼來了邊有咁大隻蛤乸隨街跳，加上天文台例牌潑下市民冷水，明知打到應一應都叫大家咪咁老定...點知呢劑吾知係三人成虎定上得山多終遇虎！擒晚仲話未有耐要掛，你班契弟咪使旨意放假；點知今朝八點就整個八號你歎吓！可憐一眾勤勤勉勉早出晚歸營營役役打工仔，天未光未上粧瓣起半邊眼皮出門舟車勞頓慘過大西北開荒，之但係行到半路見D街坊個個望住你陰陰咀笑就直覺有D吾妥，晨運阿伯見你行過就借D"椅"開大個收音機， 見你睡眼惺忪就知你未update。風暴消息傳到耳邊先知呢鑊比天文台跣，樣衰衰頭dup dup 即時掉頭，返到樓下看更仲耍手擰頭，好明顯想話你自己戇居與人無尤...吹佢吾脹唯有番屋企早D唞。



天文台愛呃鬼，奈何天意不可違，下次都係要信吓呢班忽然預警權威。
pAndAmAniA記者今晨風暴現場直擊報道