英明

天文台台長林超英因為上一劑鸚鵡襲港將清晨變凌晨後死不認錯，仲煞有介事咁研究埋《中文大辭典》、《辭源》、《漢語大詞典》、《重編國語辭典修訂本》後，聲大夾惡話自己引證咗清晨就係等於凌晨！直情就係入夜後油尖旺我話事咁款！而且好體貼咁驚你哋班契弟仲未識分，到時又再誤會佢老人家多一次就隨時烏紗不保，索性將清晨剔出天文台工作詞彙之外......此後午夜到天光前都一律叫凌晨！！
啊......咁即係大家避免日後生活上嘅不便，可自行制訂：鯁骨以後吾食魚，無厠紙吾使再抿屎，搭吾到車索性吾返工，吾識做嘢嘅狗官直頭吾使做...等利己利人措施，以免出現無謂兼不必要嘅爭拗，成個社會咪和諧晒囉。


呀哥仔你咁反智，仲要我哋同你癲，吾怪得打親風都咁多人寧願信D來歴不明嘅地下消息啦。