富士山登頂2：印仗深刻

响五合目食個飯再買支金剛仗，都差唔多三點，影完合照就要上路。開段一路走來都係一啲斜路仔，而且仲可以騎吓馬咁，但係價錢同強國比較唔知爭幾遠，不過就可以肯定嘅係馬主責任心一定比強國好。行咗無耐就到咗六合目，呢度係一個幾開揚嘅影相位，之後就係一大段之字路同石級，不過因為中途都有唔少旅店可作停靠，所以都唔算得好辛苦。之前買落嘅金剛仗就係响呢個時候發揮作用，我講嘅唔係行山可以倚靠佢，相反我自己就覺得一啲都唔好揸，所以只係買咗支短版。而其實支金剛仗係要嚟比大家儲各旅館小店嘅燒印，每個盛惠200yen，如果要儲晒就真係多多錢都唔夠派，都係睇定邊啲造形獨特又有紀念價值先至比錢辣一嘢...

吉田口算是一個較易的登山口，所以人亦較多

到六合目前算是熱身，上七合目才是開始起步

沿途有很多依山而建的小屋，可以停一停欣賞吓風景

當然亦可以方便一吓，不過要放低幾両先要放低二百大洋

每間小舖都有各自開發嘅燒印，仲會每年更新，有用炭燒有用電熱

這是上年的兔年燒印，有人為咗儲印而年年登山