搵餐晏-2：梗有一間係左近

臨近畢業時,已有幾位同學在7-11兼職，看似輕鬆又好玩，離開電子廠後便叫同學介紹到佐敦一間7仔打工，（明明屋企附近都有，真犯賤！）第一日上班便有同事請食tea，其實係買番舖頭D微波爐食品，我記得吃了隻滷水雞脾，而杯裝汽水及軟雪糕是任食的，當然也不能太張揚啊！新人多數會被老點入汽水櫃後的雪房“上水“；即係補充飲料，記得第一次因扮勁不穿大褸進內,結果凍到牙關打震，手腳冰冷，全身起滿雞皮疙瘩，十分難受。因人手不足,只做了幾天便要負責收銀，最初很不習慣，但後來發覺這是最舒服的位置，每當有同事輪換,我也很樂意接手呢！記得有一次要直踩接近24小時，因我們店舖不是位處大街，相對亦較得閒，與同事吹吹水食下煙，時間很快便過，也不算很疲倦，但老豆知道後卻非常不滿，亦不想我再做下去，直至一天換了新的經理後，我便再沒有上班，連薪水也懶得追討了。