真係豬

前天我老婆去三越購物後，售貨員話憑單到指定櫃位有珍珠送！佢都係本住得淡笑咁走去八下，到櫃位時佢話上面擺左D青口咁既物體，D Sales就話任揀，咁我老婆就好似買海鮮咁揀隻色水靚D既，之後個Sale就作晒狀起勢撬，又真係比佢撬到粒珍珠出來喎！隨即就取出大量手鍊頸鍊腳鍊狗帶介指耳環乳環鎖匙扣士巴拿任君選擇，連隨就問佢想鑲係邊？仲送埋條鍊比你，只雖附上百多元鑲工便可。可惜佢地今日遇著既係我老婆！佢嫌三嫌四，彈左彈右之餘口中仲唸唸有詞質疑粒珍珠真偽。一心只想與你玉石俱焚既佢真係吾講得笑，Sales們出盡吃奶之力費盡不爛之舌亦不為所動！最後D Sales都好無奈咁將粒野入左落袋送比佢，雖然佢拎番來睇過都係似膠多過似珠，但亦夠她樂上半天了。