貓拍點滴

每逢行經街舖遇見貓，都會膽粗粗進店厚著面皮硬著頭皮舉機影貓兼逗牠玩玩。遇著愛貓店主更會主動吩咐貓員工擺好pose任影，當然要於不碍做生意之大前題底下才能如此大模斯樣...若遇上黑口黑面店主便要快手快腳兼要賠個笑影幾張趕快離開，最怕自身所作所為不幸遷怒於無辜貓兒身上，要連累貓貓被迫收監就真係講句唔好意思！如果個個老闆都好似深水埗這間石油氣火水舖一樣就皆大歡喜；為其愛貓拍照無任歡迎，還張貼電郵地址於當眼處著閣下send番張玉照比佢...係囉，養貓係一件開心事，養嗰個開心，影嘅又開心，連隻貓自己都開心，咁世界咪少啲紛爭！