鳳凰旅

24號趁聖誕假飛去湖南張家界，其實係志在樓下嘅鳳凰古鎮多啲。因為張家界被圈劃出不同地形景區設施，行得入去就逐樣同你計，真係少個崩都唔使旨意全身而退。倒不如坐幾粒鐘車南下吉首直插鳳凰古鎮hea兩日，伴著沱江舒舒服服嘆杯茶，閒閒適適食得招積。兼且咁啱又遇著寒流，希望都可以過番個白色聖誕，不過如果遇著大風雪起唔到機，唔知我哋扭吓計揼吓地，政府會唔會派番架包機飛過嚟接我哋...呢？